يران مەن قازاقستان جۇك تاسىمالىن ۇلعايتادى

بۇل تۋرالى كەشە استانادا يران- قازاقستان ۇكىمەت ارالىق كوميسسياسىنىڭ وتىرىسىندا ق ر ينۆەستيتسيالار جانە دامۋ ءمينيسترى اسەت يسەكەشيەۆ ءمالىم ەتتى.

«ءبىز كوپتەگەن جول باعىتتارىن سالۋدامىز، سۋ جانە قۇرلىقتاعى پورتتار، اۋەجايلار بوي كوتەرۋدە. ەڭ ماڭىزدى باعىتتاردىڭ ءبىرى - يران، تاياۋ شىعىس ەلدەرى، باتىس ءۇندىستان. ترانزيتتىك جۇكتەردىڭ وتۋىنە ىڭعايلى جاعداي جاساۋ ءۇشىن ءاردايىم كولىك سالاسىن دامىتىپ وتىرۋ كەرەك»، - دەدى ول.

 كەيىنگى جىلدارى قازاقستان مەن يران اراسىندا جۇك تاسىمالى ارتقان. «2014 -جىلى ونىڭ كولەمى 2 ميلليون 300 مىڭ توننانى قۇرادى. بۇل 2013 -جىلمەن سالىستىرعاندا 1 ميلليون تونناعا كوپ»، - دەيدى مينيستر.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى