ءتورت ەلدىڭ اسكەري قىزمەتشىلەرى قازاقستاندا «كورسەتىلگەن اۋداندى» تەكسەرۋدى جۇرگىزدى - فوتو
يتاليانىڭ وكىلدەرى باسقارىپ وتىرعان ينسپەكتسيالىق توپقا كانادا، پورتۋگاليا جانە فرانسيانىڭ اسكەري قىزمەتشىلەرى كىردى. ولار ينسپەكتسيالاناتىن «كورسەتىلگەن اۋدان» شەگىندە ك ق ك ت ش- مەن شەكتەلەتىن قارۋ- جاراق پەن اسكەري تەحنيكانىڭ بولماۋى نەمەسە بولۋى دەرەكتەرىن تەكسەردى، دەپ حابارلايدى ق ر ق م باسپا ءسوز قىزمەتى.
ينسپەكتورلار قازاقستان قارۋلى كۇشتەرى اسكەري قىزمەتشىلەرىنىڭ ىلەسىپ ءجۇرۋشى توبىنا «كورسەتىلگەن اۋداننىڭ» كوورديناتتارى بار حابارلامانى تابىس ەتتى. بۇل اۋدان ورال قالاسىنىڭ شەگىندە باتىس قازاقستان وبلىسىنىڭ اۋماعىندا ورنالاسقان بولاتىن. «كورسەتىلگەن اۋداننىڭ» جالپى اۋدانى 63 شارشى شاقىرىمدى قۇرادى، بۇل شارتتىڭ ەرەجەلەرىنە سايكەس رۇقسات ەتىلەتىن بولىپ سانالادى (اۋدان 65 شارشى شاقىرىمنان اسپاۋى ءتيىس).
ينسپەكتسيالىق توپتى وتكىزۋ ورنىنا جەتكىزىپ سالۋ ق ر ق ك ا ق ك ا ن-26 اسكەري- كولىكتىك ۇشاعىمەن جۇزەگە اسىرىلدى. ورال قالاسىنداعى اسكەري ءبولىم، «باتىس قازاقستان ماشينا قۇراستىرۋ كومپانياسى» ا ق جانە «ومەگا» زاۋىتى ينسپەكتسيالاندى. تەكسەرۋ قورىتىندىسى قازاقستان تولىق كولەمدە ەۋروپاداعى كادىمگى قارۋلى كۇشتەرى تۋرالى شارت (ك ق ك ت ش) بويىنشا حالىقارالىق مىندەتتەمەلەردى تولىق كولەمدە ورىنداپ جاتقانىن جانە قاتىسپايتىن تەحنيكا مەن قارۋ- جاراعى جوق ەكەنىن راستاعان رەسمي تۇردەگى ەسەپ بەرۋ بولدى.
كوپ ۇلتتى ينسپەكتسيالىق توپتىڭ جەتەكشىسى ق ر قارۋلى كۇشتەرى وكىلدەرىنىڭ «كورسەتىلگەن اۋداندا» ينسپەكسيانىڭ قامتاماسىز ەتۋىنىڭ جوعارى دەڭگەيىن اتاپ ءوتىپ، بىرلەسكەن جۇمىستى وتكىزۋگە قولداۋ بىلدىرگەنى ءۇشىن ق ر قورعانىس مينيسترلىگىنىڭ الىپ ءجۇرۋشى توبىنا جانە ونىڭ باسشىسى پودپولكوۆنيك نۇرجان سماعۇلوۆقا ريزاشىلىعىن ءبىلدىردى. 1996 -جىلدان باستاپ قازىرگى ۋاقىتقا دەيىن قازاقستاننىڭ اۋماعىندا ەۋروپاداعى كادىمگى قارۋلى كۇشتەرى تۋرالى (ك ق ك ت ش) شارتتىڭ ەرەجەلەرىنە سايكەس «كورسەتىلگەن اۋداندى» ينسپەكتسيالاۋ بويىنشا بارلىعى 22 تەكسەرۋ جۇرگىزىلگەنىن اتاپ وتكەن ورىندى.
