جاس ءارى تابىستى قازاق جىگىتتەرى كىمدەر؟
وسىعان وراي، ماقتاۋعا تۇرارلىق جاس ءارى تابىستى 7 قازاق جىگىتىن look.tm-گە سىلتەمە جاساپ نازارلارىڭىزعا ۇسىنامىز.
قازاقستاننىڭ كاسىپكەرلىك الەمىندە جاسى 30 عا جەتپەي جاتىپ، ءوز ورنىن سايلاپ ۇلگەرگەن جاس ازاماتتاردى نە بايلانىستىرادى؟ ولاردىڭ دەنى اقپاراتتىق تەحنولوگيالاردى، ينتەرنەتتى، الەۋمەتتىك جەلىلەردى ءوز بيزنەسىن وركەندەتۋ ءۇشىن ۇتىمدى پايدالانا العان. جاقىن ارادا Forbes تىزىمىنە كىرۋى ابدەن مۇمكىن قازاق ازاماتتارى ەلىمىزدە بارشىلىق.
ارمان سۇلەيمەنوۆ، 28 جاستا
اقپاراتتىق تەحنولوگيا سالاسىندا قىزمەت ەتەتىن ەڭ تانىمال جىگىتتەردىڭ ءبىرى. پرينستوندىق ۋنيۆەرسيتەتتىڭ ماگيستر دارەجەسىن العان. كرەمنيي القابى ستارتابىندا تاجىريبە جيناقتاعان. TheSummerStartupSchool.com مەكتەبىنىڭ نەگىزىن قالاۋشى. بىرنەشە ءساتتى ستارتاپ دارىستەرىن ۇسىنعان.
اسحات مىرزابايەۆ، 25 جاستا
سۇلەيمەن دەميرەل اتىنداعى ۋنيۆەرسيتەتتى بىتىرگەن. Twitter (ا ق ش) كومپانياسىنىڭ ينجەنەرى ءارى product-مەنەدجەرى قىزمەتىن، Chocomart.kz تە ديرەكتور قىزمەتىن اتقارعان. Barclays ( ۇلى بريتانيا) بانك توبىمەن بىرگە جوبادا 2 ميلليون دوللار تاۋىپ، ونى قاتەرلى ىسىكپەن كۇرەس زەرتتەۋلەرىنە اۋداردى. HiPO.kz رەكرۋتينگتىك قىزمەتىنىڭ نەگىزىن قالاۋشى.
ابىلاي يۋسۋپوۆ، 22 جاستا
حالىقارالىق بيزنەس اكادەمياسىنىڭ تۇلەگى. Queex vine-جوباسىنىڭ، دارىندىلارعا ارنالعان Cov.art مۋزىكالىق الاڭىنىڭ باسشىسى. Top Generation Group ءتىل ۇيرەتۋ مەكتەبىنىڭ PR- مەنەدجەرى. Upgrade Business School كاسىپكەرلىك مەكتەبىنىڭ نەگىزىن قالاۋشى.
ابىلاي - ءوز تابىستارىن (Queex تە ءبىر جىل ىشىندە 20 ميلليون تەڭگە) پاراقشاسىندا ءجيى جاريالاپ تۇراتىن Instagram-نىڭ بەلسەندى قولدانۋشىسى. ءوز وقىرماندارىنا پايدالى كەڭەستەرىن ۇسىنىپ وتىرادى.
اسحات ابجانوۆ، 27 جاستا
ءال- فارابي اتىنداعى قاز ۇ ۋ- دىڭ تۇلەگى. موبيلدى قوسىمشالار مەن سايتتاردى قۇراستىراتىن WAKE UP technology كومپانياسىنىڭ نەگىزىن قالاۋشى ءارى ديرەكتورى.
قازۇۋ- دىڭ بيزنەس- ينكۋباتورىنىڭ باسشىسى، «قازاقستاننىڭ جاڭا ۇرپاعى» ليدەرلىك مەكتەبىنىڭ نەگىزىن قالاۋشى. قازاقستاننىڭ جاس كاسىپكەرلەرى قاۋىمداستىعىنىڭ باسقارۋشى ديرەكتورى. وراتور جانە بيزنەس- جاتتىقتىرۋشى.
اسقار امانبايەۆ، 27 جاستا
كيمەپ تۇلەگى. باستاپقىدا «شكولا ۆدوحنوۆەنيا» اتتى گيتارادا ويناۋ مەكتەبىن اشقان. كەيىنىرەك مۋزىكالىق توپتاردىڭ پروديۋسەرى اتانىپ، Music Show يۆەنت- اگەنتتىگىن اشتى. كوپ ۇزاماي «حوببي جانە اقشا» اتتى دارىستەر جۇرگىزۋدى قولعا الدى.
عاني ابادان، 30 جاستا
ماسكەۋلىك اۆياتسيا ينستيتۋتىنىڭ تۇلەگى. Abadan Consulting كومپانياسىنىڭ، 4Room جىلجىمايتىن مۇلىك اگەنتتىگىنىڭ، يكەا جيھازدارىن قازاقستانعا جەتكىزەتىن www.iget.kz كومپانياسىنىڭ نەگىزىن قالاۋشى.
بيزنەس- كەڭەسشى، جاقىن ارادا «ماحابباتپەن جاسالعان بيزنەس» كىتابىن جارىققا شىعارماق.
راۋان ماەمىروۆ، 28 جاستا
سۇلەيمەن دەميرەل اتىنداعى ۋنيۆەرسيتەتتىڭ جانە قازاق-بريتان تەحنيكالىق ۋنيۆەرسيتەتىنىڭ تۇلەگى. قازاقستاندا العاش بولىپ Yvision.kz بلوگ- تۇعىرناماسى مەن kiwi.kz ۆيدەو- قىزمەتىنىڭ نەگىزىن قالاعانداردىڭ ءبىرى.
دەرەككوز: NUR. KZ
