اقتوبە وبلىسى اكىمىنىڭ ورىنباسارىنا جۇمىستان كەتۋ ۇسىنىلدى
كەڭەس مۇشەسى نۇرلان ەرىمبەتوۆ پارتيانىڭ اقتوبە وبلىستىق فيليالىنىڭ باسشىسىنىڭ ورىنباسارى نۇرحان اقنيازوۆقا وبلىس اكىمى ورىنباسارىنىڭ تۋىستارىنىڭ وڭىردە نەلىكتەن باسقارۋشى قىزمەتتەردە ەكەندىگىن سۇرادى.
«اقتوبە وبلىسى اكىمىنىڭ ورىنباسارى نۇرقاتوۆا سارا، بار ما؟ ول ءبىلىم بەرۋ جانە الەۋمەتتىك ماسەلەلەرمەن اينالىسادى. نەلىكتەن ونىڭ تۋعان بالاسى وبلىستىق ءبىلىم بەرۋ باسقارماسىنىڭ باسشىسىنىڭ ورىنباسارى؟ بۇعان دەيىن ول جاستار ءىسى جونىندەگى باسقارمانىڭ باسشىسى قىزمەتىندە بولىپتى. ال ول جەردەن كەتكەندە وسى ورىنعا ونىڭ قالىڭدىعى كەلىپتى. سىزدەردە وبلىس اكىمىنىڭ ستيپەندياسىن دارىندى بالالارعا، دارىندى جاستارعا، مۇگەدەكتەرگە ۇلەستىرۋ جونىندەگى وبلىستىق جاقسى كوميسسيا جۇمىس ىستەيدى. نۇرقاتوۆا قىزمەتى بويىنشا وسى كوميسسيانىڭ ءتورايىمى، ال كوميسسيانىڭ حاتشىسى ونىڭ بالاسى. قانداي وتباسىلىق بيزنەس سىزدەردە؟ مورالدىق تۇرعىدا، پارتيا تۇرعىسىنداعى ماسەلە قايدا قالدى؟ سىزدەر بۇعان پارتيالىق باعا بەردىڭىزدەر مە؟ مەن زاڭگەر ەمەسپىن، ءبىراق ار-نامىس كودەكسى دەگەن بار، پارتيانىڭ ابىرويى دەگەن نارسە بار!»، - دەپ ساۋال تاستادى ەرىمبەتوۆ.
بۇعان نۇرقات اقنيازوۆ بىلاي دەپ جاۋاپ قاتتى: «بۇل تاڭعالارلىق مالىمەت. ءبىراق وبلىستىق ءبىلىم بەرۋ باسقارماسىنىڭ باسشىسى قىزمەتىنە چاركيندى تاعايىنداۋ تۋرالى دەرەك بار. بۇل ءبىر اي بۇرىن بولدى. سايكەسىنشە، بۇل دەرەك بويىنشا پارتيالىق باعالاۋ بولعان جوق (تەكسەرىس - اۆت.)، سەبەبى مەملەكەتتىك قىزمەت اگەنتتىگىندە كونكۋرس بولدى. ال پارتيالىق باعاسىن ءبىز بەرەمىز»، - دەدى اقنيازوۆ.
«ال ونىڭ ايەلى شە؟ بۇل مەملەكەتتىك قىزمەت تۋرالى زاڭدى بۇزۋ عوي!»، - دەپ سۇراق جاۋدىرا باستادى ءماجىلىستىڭ قوعامدىق كەڭەس قۇرامىنا كىرەتىن دەپۋتاتتارى.
اقنيازوۆ ەگەر مەملەكەتتىك قىزمەت تۋرالى زاڭ بۇزىلسا، بۇل ىسپەن مەملەكەتتىك قىزمەت جانە سىبايلاس جەمقورلىققا قارسى ءىس- قيمىل اگەنتتىگىنىڭ اينالىسۋى كەرەك ەكەنىن ايتىپ، جاۋاپ قاتتى.
«پارتيالىق تەرگەۋ جۇرگىزۋدى ۇسىنامىن. ال سول ايەلدىڭ، وبلىس اكىمىنىڭ ورىنباسارىنىڭ ورنىندا بولسام وتستاۆكاعا كەتەر ەدىم»، - دەپ ءبىلدىردى ءوز پىكىرىن قوعامدىق كەڭەستىڭ ءتوراعاسى قايىربەك سۇلەيمەنوۆ.
