الەمدى وزگەرتەتىن يدەيالار سەمينارىنىڭ العاشقى سەرتيفيكاتتارى تابىستالدى - فوتو

«الەمدى وزگەرتەتىن يدەيالار» اتتى ءبىلىم بەرۋ جوباسى - مەملەكەت باسشىسى ن. نازاربايەۆتىڭ بەس ينستيتۋتسيونالدىق رەفورماسىن جۇزەگە اسىرۋ ءۇشىن ازىرلەنگەن «100 ناقتى قادام» ۇلت جوسپارىن زەردەلەپ، وسى باعىتتا ناقتى يدەيالارعا سەرپىن بەرۋ ماقساتىندا باستالعان جوبا.

«جوبا اياسىندا ۇيىمداستىرىلعان نەگىزگى شارالاردىڭ ءبىرى - ەلىمىزدىڭ ءوڭىر- وڭىرىنەن كەلگەن وقۋشىلار مەن ستۋدەنتتەرگە ارنالعان سەمينار- ترەنينگ بولدى. ايماقتارداعى ۋنيۆەرسيتەتتەر مەن ورتا ءبىلىم ۇيىمدارىمەن جاساعان كەلىسىمگە ساي، ءار وبلىستان 25 جاس كەلىپ، ترەنينگكە قاتىسۋى كەرەك. ءبىر كەلگەندە ەكى وبلىستىڭ جاستارىن قابىلدايمىز»، - دەيدى جوبا تۋرالى ايتا كەلە تۇڭعىش پرەزيدەنت كىتاپحاناسى ديرەكتورىنىڭ ورىنباسارى جاپسىرباي قۋانىشەۆ.

ۇيىمداستىرۋشىلاردىڭ ايتۋىنشا، العاشقى سەمينار 1 -قازاننان باستالعان. جالپى، كەلەسى جىلدىڭ 1 -شىلدەسىنە دەيىن بارلىق ايماقتان ءوتىنىش بەرگەن ستۋدەنتتەر مەن وقۋشىلار وسى ترەنگينگكە قاتىسىپ ۇلگەرۋى كەرەك.

«بولاشاعىمىز جاستاردىڭ قولىندا دەپ كوپ ايتامىز، مىنە، سوندىقتان دا، جاستار بۇگىننەن باستاپ- اق قانداي سالادا قىزمەت ەتەتىنىن، ول سالاعا قانداي جاڭالىقتار اكەلەتىنىن ويلانا بەرۋى كەرەك. «الەمدى وزگەرتەتىن يدەيالار» اتتى سەمينار- ترەنينگتە وسى جانە وزگە دە ماسەلەلەر بويىنشا جاستار اراسىندا پىكىر الماسۋ وتەدى. لاجى بولسا، وڭىرلەردەگى وقۋ ورىندارى الەۋمەتتىك جوبالارعا بەلسەندى ارالاسىپ جۇرگەن، وقۋدا وزات جاستاردى تاڭداپ جىبەرسە ەكەن»، - دەيدى كىتاپحانا وكىلى.

ايتا كەتەيىك، 1 -قازاننان باستاپ ەلوردانىڭ وقۋ ورىندارى مەن مەكتەپتەرىنەن 100 بالا وسى سەمينار- ترەنينگكە قاتىسقان. 15-16 -قازان كۇندەرى ترەنگينگكە الماتى قالاسى مەن وڭتۇستىك قازاقستان وبلىسىنىڭ جاستارى جينالسا، 20-23 -قازان كۇندەرى شىعىس جانە باتىس وڭىرلەرىنىڭ جاستارى يدەيالار الماسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى