قاراعاندىدا جوعالعان ايەل شەتەلدەن ىزدەستىرىلەدى
«ساراننىڭ 43 جاستاعى ايەلدىڭ ءىز-ءتۇسسىز جوعالۋى فاكتىسىمەن سوت الدىنداعى تەرگەۋ امالدارى جۇرگىزىلىپ، ونىڭ جۇرگەن جەرى انىقتالۋ ۇستىندە. جەدەل-ىزدەۋ شارالارىن وتكىزۋ كەزىندە 7 -قازان كۇنى ايەل رەسەي فەدەراتسياسىنان شەكارادان وتكەنى انىقتالعان. كەدەن بەكەتى قىزمەتكەرلەرىنىڭ ايتۋىنشا، ول جالعىز بولعان»، - دەلىنگەن حابارلامادا.
بۇدان باسقا، جوعالعان ايەل تانىستارىنان باسپانا الۋ ءۇشىن ءىرى سوماداعى اقشا قارىزعا العانى بەلگىلى بولدى. «سونداي-اق ايەلدىڭ بۇعان دەيىن دە ۇلكەن قارىزىنا بايلانىستى ۇيىنەن كەتكەنى بەلگىلى بولدى. ايەل 2015 -جىلدىڭ تامىزىندا ءبىرىنشى رەت جوعالعان سوڭ تۋىستارى ىشكى ىستەر ورگاندارىنا ونى ىزدەۋ وتىنىشىمەن كەلگەن. الايدا ايەل كوپ ۇزاماي ۇيىنە ورالىپ، بەلارۋستەگى قۇربىسىنا بارىپ كەلگەنىن ايتقان»، - دەلىنگەن حابارلامادا.
قازىرگى كەزدە ىزدەۋ جۇمىستارى جالعاستىرىلۋدا، سونىڭ ىشىندە حالىقارالىق دەڭگەيدە دە وتكىزىلىپ جاتىر.
پوليتسياعا ايەلدىڭ ءىز-ءتۇسسىز جوعالعانى تۋرالى وتىنىشپەن ونىڭ اعاسى كەلگەن. 7 -قازاندا ساران ماڭىنداعى بوگەتتىڭ قاسىندا جوعالعان ايەلدىڭ سەنىمحاتپەن جۇرگىزگەن «تويوتا اۆەنسيس» ماركالى كولىك انىقتالدى.
