ا. ايىمبەتوۆ عارىشتا ارال جانە كاسپي تەڭىزدەرىنە مونيتورينگ جۇرگىزدى
«قۇرمەتتى نۇرسۇلتان ءابىش ۇلى، ءسىز جۇكتەگەن مىندەتتەردىڭ ورىندالۋى تۋرالى بايانداۋعا رۇقسات ەتىڭىز. قىركۇيەكتىڭ 2 ءسى مەن 12 ءسى ارالىعىنداعى عارىشقا ساپارىم بارىسىندا قازاقستاننىڭ عارىشتى زەرتتەۋ باعدارلامالارى جۇزەگە اسىرىلدى. قازعارىشتىڭ عىلىمي باعدارلاماسى بويىنشا ارال جانە كاسپي تەڭىزدەرىنە مونيتورينگ جۇرگىزىلدى. ميكروگراۆيتاتسيا بارىسىندا ميكروبولشەكتەردىڭ فيزيكالىق ەرەكشەلىكتەرىنە زەرتتەۋلەر جۇرگىزىلدى»، - دەدى ول.
ونىڭ اتاپ وتۋىنشە، اتالعان شارالار وتاندىق عالىمداردىڭ تەرمويادرولىق ەنەرگەتيكا، مەديتسينا، ن ا ن و- تەحنولوگيا جانە تاماق ونەركاسىبى سالالارىنداعى زەرتتەۋلەرىندە كادەگە جارايتىن بولادى. «بۇل زەرتتەۋلەر قازعارىشتا، سونىمەن بىرگە حالىقارالىق عارىش ىنتىماقتاستىعى اياسىندا ودان ءارى جالعاسىن تابادى»، - دەدى عارىشكەر.
اۆتور: مارلان جيەمباي
