قازاقستان ازياداعى سەنىمدى ستراتەگيالىق ارىپتەسى - كورەيامەن دوستىق قارىم- قاتىناستى جوعارى باعالايدى
بۇگىن اقوردادا ءبىرقاتار شەتەل ەلشىسىنەن سەنىم گراموتاسىن قابىلداعان ەلباسى نۇرسۇلتان نازاربايەۆ وسىلاي دەدى.
«قازاقستان ازياداعى سەنىمدى ستراتەگيالىق ارىپتەسى - كورەيا رەسپۋبليكاسىمەن دوستىق قارىم- قاتىناستى جوعارى باعالايدى. ءبىزدىڭ ىنتىماقتاستىعىمىز بيىك دەڭگەيگە كوتەرىلدى. كورەيا رەسپۋبليكاسىنىڭ پرەزيدەنتى پاك حىن كە استاناعا وتكەن جىلى مەملەكەتتىك ساپارمەن كەلدى. سول كەزدە ءبىز ىنتىماقتاستىقتى جالعاستىرۋعا ءوزارا مۇددەلى ەكەنىمىزدى قۋاتتادىق»، - دەدى ق ر پرەزيدەنتى.
مەملەكەت باسشىسىنىڭ اتاپ وتۋىنشە، قازاقستان ەكونوميكاسىنا سالىنعان كورەيا ينۆەستيتسياسى جالپى ءتورت ميلليارد دوللاردان اسقان. كورەيا كومپانيالارىنىڭ قاتىسۋىمەن بىرىككەن جيىرما ءتورت جوبا ىسكە اسىرىلۋدا. «استانا مەن سەۋلدىڭ كوپتەگەن حالىقارالىق ماسەلەلەر جونىندە ويلارى ءبىر ەكەنىن ايتقىم كەلەدى. ساۋدا- ەكونوميكالىق، گۋمانيتارلىق جانە باسقا سالالارداعى ەكىجاقتى ىنتىماقتاستىقتى كەڭەيتۋ حالىقتارعا پايدا اكەلەتىندىگىنە سەنىمدىمىن»، - دەدى ەلباسى.
اۆتور: مارلان جيەمباي
