ءانشى بولۋدى تاڭداعان فۋتبولشىلار
ولار نەگە كاسىبي فۋتبولدى تاستاپ، ءانشى بولۋدى تاڭدادى؟ Comode ەسترادا جۇلدىزدارىنا شولۋ جاساپ، ونەر جولىن فۋتبولدان باستاعان انشىلەردى تاپتى.
وسىدان بىرنەشە جىل بۇرىن ەسترادامىزدا جاڭا ءانشى پايدا بولىپ، بىردەن نازىك جانداردىڭ جۇرەگىن جاۋلاپ الدى. ابدۋلكاريم كاريموۆتىڭ داۋىسىنا دا، كەلبەتىنە دە عاشىق بولعان جاندار ونىڭ ەستراداعا فۋتبولدان كەلگەنىن بىلە بەرمەيدى. دەگەنمەن ابدۋلكاريم كوپ جىلدار بويى كاسىبي تۇردە فۋتبولمەن اينالىستى. قازاقستان فۋتبولىنىڭ ءبىرىنشى ليگاسىنا كىرەتىن «جەلەزنودوروجنيك» ، «قازاقمىس» ، جانە جوعارعى ليگانىڭ قۇرامىنداعى «جەتىسۋ» كومانداسىنىڭ قوسالقى قاقپاشىسى بولعان. كوماندامەن سپورتتىق ساپارلارعا شىققاندا قازاقستان قۇراماسىنىڭ كاپيتانى سامات سماكوۆ، تانىمال فۋتبولشى الىبەك بولەشيەۆ سياقتى ارىپتەستەرى ونىڭ ءان ايتقانىن ۇناتىپ، ءجيى ءان ايتۋىن سۇرايتىن. ول حوببي ابدۋلكاريمدى ەسترادادان ءبىر-اق شىعاردى. قازىرگى كەزدە جۇلدىزداردان قۇرالعان «الاتاۋ» كومانداسىنىڭ مۇشەسى.
ارمان قوڭىربايەۆ پەن ديلەن دە انشىلىككە كەلمەس بۇرىن فۋتبولمەن كاسىبي تۇردە اينالىساتىن. بۇل قورعاۋشى مەن جارتىلاي قورعاۋشى «قايرات» فۋتبول مەكتەبىنىڭ تۇلەكتەرى. ولارمەن بىرگە وقىعانداردىڭ قاتارىندا قازىرگى قازاقستان قۇراماسىنىڭ جامبىل كوكەيەۆ، باۋىرجان دجولچيەۆ، مارك گۋرمان سياقتى ويىنشىلارى بار. ەستەرىڭىزگە سالا كەتسەك، باۋىرجان دجولچيەۆ وتكەندە اپول- گە گول سوققان وتاندىق سپورتشى. قازىرگى تاڭدا استانا قۇراماسىنىڭ سابىندا چەمپيوندار ليگاسىندا ويناپ ءجۇر. جامبىل كوكەيەۆ ۋەمبليدە انگليا قۇراماسىنىڭ قاقپاسىنا گول سوعىپ، سول ويىندا ەسەپ اشقان قازاقستاندىن فۋتبولشى. مارك گۋرمان - ۇلتتىق قۇرامانىڭ نەگىزگى قورعاۋشىسى.
ارمان مەن ديلەننىي ارىپتەسى يلياس تا «ميستەريونس» توبىنا كەلمەس بۇرىن فۋتبولشى بولدى دەسەك قاتەلەسپەيمىز. شابۋىلشى پوزيتسياسىندا وينايتىن يلياس «تسەسنا» فۋتبول اكادەمياسىنىڭ تۇلەگى.
«اراي» توبىنىڭ ءانشىسى رىسبەك اتاش «كاسپي» جاسوسپىرىمدەر فۋتبول مەكتەبىندە جاتتىعىپ، سول كلۋبتا ونەر كورسەتكەن. انشىلىككى كەتپەسە، بۇل شابۋىلشىنىڭ كاسىبي فۋتبولشى بولىپ كەتۋى ابدەن مۇمكىن بولار ەدى.
اۋىلدىڭ ناعىز تالانتى بولعان جۇبانىش جەكسەن ۇلى شىمكەنت فۋتبول مەكتەبىنىڭ تۇلەگى. مەكتەپ بىتىرگەنگە دەيىن ويناپ، سودان كەيىن ونەرگە كەتىپ قالعان.
«رينگو» توبىنداعى باتىر دا ناعىز تەڭبىل دوپتىڭ شەبەرى. كىشكەنتاي كەزىنەن مەكتەپ قۇراماسىنىڭ قاقپاشىسى بولعان. كىم ءبىلسىن، قولىنا جاراقات الماعاندا قازىر ەسترادادا ەمەس، وتاندىق فۋتبول كلۋبتارىنىڭ بىرىندە ونەر كورسەتىپ ءجۇرۋشى مە ەدى؟
باتىردىڭ «رينگو» توبىنداعى ارىپتەسى ايان بىربايەۆ تا بىرنەشە جىل قازاق- تۇرىك ليتسەي قۇراماسىنىڭ كاپيتانى بولعان. ءتىپتى قۇرامانىڭ ۇزدىك ويىنشىسى اتانعان دەگەن اقپارات بار.
ەسترادامىزدىڭ سۇيىكتى جۇبى جانبولات پەن جازيرانىڭ ۇلى قازبەك قوجاحمەتوۆ تا ءان الەمىن تاڭداماس بۇرىن فۋتبولمەن كاسىبي تۇردە اينالىستى. بۇل قورعاۋشى «سپۋتنيك» فۋتبول مەكتەبىنىڭ تۇلەگى. جاس ءانشى جوعارىدا اتالعان ارىپتەستەرى سياقتى سپورتتى تولىعىمەن تاستاپ كەتپەي، كازىرگى تاڭدا جۇلدىزداردان قۇرالعان «الاتاۋ» فۋتبول كلۋبىندا ونەر كورسەتۋدە.
«الاتاۋ» فۋتبول كلۋبى تۋرالى قىسقاشا ايتىپ كەتەتىن بولساق، كلۋبتىڭ پرەزيدەنتى - «اسىل» توبىنىڭ پروديۋسسەرى عالىمجان ارىستانبەك ۇلى. عالىمجان اتالمىش انشىلەردىڭ فۋتبولدى تاستاماي، انشىلىك ونەرمەن قاتار الىپ جۇرۋگە مۇمكىندىڭ بەردى. ۇزدىك ونەر يەلەرىن جيناپ «الاتاۋ» فۋتبول كومانداسىن قۇردى. باسقا دا فۋتبول كلۋبتارى سياقتى بۇل قلۋبتىڭ ەرەجەلەرى، جاتتىعۋ گرافيكتەرى، ويىنشىلاردىڭ جالاقىسى، ت. ب. بار. كوماندانىڭ باس باپكەرى كەزىندە «قايساردا» ، «قايراتتا» ويناعان، كەيىن سول كوماندالاردى جاتتىقتىرعان قازاقستان قۇراماسىنىڭ مۇشەسى بولعان - مارات ەسمۇراتوۆ.
عالىمجاننىڭ قول استىنداعى فۋتبولشىلار بيىلعى جىلدىڭ جاز مەزگىلىندە ماسكەۋدە وتكەن ويىندا ءوزىنىڭ توبىندا ەكىنشى ورىن الىپ، ەكىنشى ورىن العان كوماندالار اراسىندا ءبىرنىشى ورىنعا يە بولدى. سول چەمپويناتتا ابدۋلكاريم كاريموۆ ۇزدىك قاقپاشى اتانۋىمەن بىرگە تۋرنيردىڭ ۇزدىك ويىنشىسى اتاعىنا يە بولدى.
comode.kz
