جەلاياقتار وتباسى

قالا شەتىندەگى زاۋىتقا قاراي اعىلعان ترامۆايلار. ءبىراق، جەڭىل اتلەتيكامەن اينالىساتىن جىگىت سالاماتتى ءومىر سالتىن ناسيحاتتاپ، جۇمىسقا دا كەشىكپەيدى، جاتتىعۋىن دا جاسايدى. ەكى ءىنىسى دە وزىندەي، جەلاياقتار.

اعايىندى ەرمەك، الماس، ايبول سەكەربايەۆتار ەرتىس اۋدانىندا تۋىپ- ءوستى. اكەلەرى سەرىك يساق ۇلى جۇگىرۋدەن سپورت شەبەرلىگىنە كانديدات. ال ەرمەك 5 جاسىندا كيەۆتە وتكەن جارىستا اكە ءۇمىتىن اقتاپ، جەڭىس تۇعىرىنان كورىنەدى. سودان بەرى تالاي شاقىرىمداردى ارتتا قالدىردى. ءتىپتى، 19 جاسىندا 42 شاقىرىمدى جۇگىرىپ ءوتتى. وسىلاي باستالعان جارىس جولى ءالى جالعاسۋدا. وبلىستا ۇيىمداستىرىلعان «مەرەيلى وتباسى» بايقاۋىندا سەكەربايەۆتار «اكە جولىن جالعاعان» نوميناتسياسىنا يە بولدى.

- ەڭ باستىسى، دايىندىق جاقسى بولۋ كەرەك، - دەيدى ەرمەك سەكەربايەۆ. - جۇرەگىڭ ساۋ، پسيحولوگيالىق، رۋحاني تۇرعىدان مىقتى بولۋ قاجەت. ەشقانداي كولىككە مىنبەيمىن. ترامۆايلارمەن جارىسامىن. جەڭۋ ءۇشىن العا ۇمتىلعان ءجون.

ەرمەك «قازاقستان اليۋمينيى» ا ق- تىڭ گيدرومەتاللۋرگيا سەحىندا اپپاراتشى. ياعني، بارلىق تەحنيكالىق كورسەتكىشتەر - تەمپەراتۋرا، قىسىمنىڭ ءبىرقالىپتى بولۋىن كومپيۋتەر ارقىلى باسقارىپ وتىرادى. وزىنەن كەيىنگى الماس №2 گيدرومەتاللۋرگيا سەحىندا اپپاراتشى، ال ايبول بولسا، ەنەرگەتيكالىق جوندەۋ سەحىندا دانەكەرلەۋشى. ايبول فۋتبولمەن، ال الماس بوكسپەن شۇعىلدانسا دا، اكە، اعاسىمەن بىرگە جۇگىرەدى. شاقىرتۋ كەلسە- اق، بارلىق جارىستارعا قاتىسادى. اعالارى ەرمەك سەكەربايەۆ وبلىستىق حالىقارالىق سايىستاردىڭ جۇلدەگەرى اتانىپ، بىرنەشە دۇركىن چەمپيونى دا بولدى. ماسەلەن، «مەدەۋ» مارافونى، «25- ءسىبىر مارافونىندا» وندىققا ەنىپ، 8-ورىندى يەلەنىپتى. جەلاياق، 42 شاقىرىمدى 2 ساعات 58 مينۋتتا جۇگىرىپ وتكەن. كىشى ىنىلەرى ايبەك تە جەلاياقتار قاتارىنا قوسىلماقشى. اكەلەرى سەرىك وقۋشى كەزىنەن- اق جۇگىرە باستايدى. ءتىپتى، ۇيلەنىپ وتباسىلى بولعاندا دا جۇگىرۋدى جالعاستىرا بەردى. اۋلادان، اۋدان ورتالىعىنىڭ كوشەلەرىنەن باستالعان مارافون ونى كيەۆ، حاركوۆ، التاي ولكەسى، ءنوۆوسىبىر، ومبى، ارحانگەلسك حالىقارالىق جولدارىنا شاقىرا بەردى. ۇلدارى ەرمەك، ايبەكپەن بىرگە اۋىل ارالىق ەرتىس - پانفيلوۆ - ۇزىنسۋ - اعاشورىن - مايقوڭىر - بايزاقوۆ - قىزىلجار جولىمەن ءجۇرىپ ءوتتى. جەلاياق مارافونشىلاردىڭ اكەلەرى 35  جىلداي ۋاقىت جۇگىرىپ كەلەدى. ۇلى ەرمەكتىڭ ءوزى 30 عا كەلدى. كىشىسى ايبەك، ءتىپتى، 2 جارىم جاستا 2 شاقىرىم جەرگە جۇگىرىپ استانادا وتكەن «التىن كۇز» مارافونىنا قاتىسىپ، جۇرتتى ءبىر تاڭعالدىرعان.

- جىل سايىن ومبىدا ۇيىمداستىرىلاتىن ءسىبىر مارافونىنا قاتىسامىن. جانكۇيەرلەر جاقسى قولداۋ كورسەتەدى. بيىل دا دايىندالىپ جاتىرمىن، - دەيدى ەرمەك بىزبەن اڭگىمەسىندە.

سونىمەن قاتار، سەكەربايەۆتار وتباسى ءجيى «وتباسىلىق مارافون» وتكىزىپ تۇرادى. جەڭىستىڭ 70  جىلدىعىنا وراي پاۆلوداردان ەرتىس اۋىلىنا دەيىنگى 200 شاقىرىمدى ەكى كۇندە ءجۇرىپ ءوتتى. اكەلەرى ەگەر مۇمكىندىك بولىپ قولداۋ كورسەتىلىپ جاتسا، اۋدان ورتالىعىندا سالاماتتى ءومىر سالتىنا لايىق دەنە شىنىقتىرىپ، جۇگىرۋدەن جالىقپايتىن، شىنىقسا شىمىر، ومىرگە قۇشتار جاستاردى تاربيەلەگىسى- اق كەلەدى.

- ەرمەك ومبىدان ورالعان سوڭ، اكەلەرىمەن بىرگە قازاق حاندىعىنىڭ 550  جىلدىعىنا ارناپ وتباسىلىق مارافون وتكىزۋدى جوسپارلاۋدا. جۇيرىكتەر جولى پاۆلوداردان باستاۋ الىپ، ەرتىس ارقىلى ومبىعا جەتپەكشى. قازىر بۇل باعىتتا كەلىسسوزدەر جۇرگىزىلىپ، جوسپار جاسالۋدا، - دەيدى زاۋىتتىڭ باسپا ءسوز قىزمەتىنىڭ وكىلى ءزۇلفيرا بازاربەك قىزى.

فاريدا بىقاي،

«ەگەمەن قازاقستان» .

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى