قازاقستان مەن قىتايدىڭ ءبىرقاتار كومپانيالارى اۋىل شارۋاشىلىعى سالاسى بويىنشا ىنتىماقتاسۋ تۋرالى كەلىسىم جاسادى

بۇل تۋرالى ءشانشي پروۆينتسياسىنىڭ ۆيتسە- گۋبەرناتورى ۋاڭ ليسيا مالىمدەدى.

قازاقستان - قىتاي «يانلين» اۋىل شارۋاشىلىعى ايماعىنا بارۋ كەزىندە «شيان قۇرلىقتىق كوپىر» حالىقارالىق لوگيستيكالىق كومپانياسى» ج ش س مەن الماتى قالاسىنىڭ ساۋدا- ينۆەستيتسيالىق پالاتاسى، ءشانشي فارماتسيەۆتيكالىق توبى مەن قازاقستاندىق «وڭتۇستىك ءىنجۋ- مارجان» ج ش س، ءشانشي ساۋدا- لوگيستيكالىق كومپانياسى مەن قازاقستاندىق «ەۋرازيا» ج ش س اراسىندا كەلىسىمدەرگە قول قويىلدى.

 اۋىل شارۋاشىلىعىنىڭ قازاقستان- قىتاي ونەركاسىپتىك- يننوۆاتسيالىق ايماعىنىڭ قۇرىلىسى اعىمداعى جىلدىڭ جازىندا باستالعان ەدى. قازىرگى ۋاقىتتا پاركتە كۇزدىك بيدايدىڭ 19 سۇرىبى وتىرعىزىلدى. سونداي- اق الداعى قىستا بيداي، جۇگەرى، راپس، كوكونىستەر جانە ءتۇرلى گۇلدەردىڭ 70 تەن استام سۇرىبىن ءوسىرۋ جوسپارلانىپ وتىر.

 مۇنىمەن قاتار جىلىجاي كەشەندەرى، سۋلاندىرۋ جۇيەلەرى جانە تەحنيكامەن جاراقتاندىرۋ قولعا الىنادى.

 8 - قىركۇيەكتەن باستاپ 10 - قىركۇيەككە دەيىن الماتىدا قىتايلىق ءشانشي پروۆينتسياسى تاۋارلارىنىڭ كورمەسى ءوتتى. كاسىپكەرلەر ەلەكترونيكا، اۋىل شارۋاشىلىعى ونىمدەرىن، فارماتسيەۆتيكا جانە توقىما قۇيىمدارىن قوسا العاندا ونىمدەردىڭ كەڭ كولەمىن ۇسىندى.

اتاپ ايتقاندا، كورمەگە 90 پاۆيلون، ونىڭ ىشىندە 59 قىتايلىق جانە 28 قازاقستاندىق كومپانيا ءوز ونىمدەرىن قويدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى