باكۋدە ترانس كاسپي حالىقارالىق كولىك باعدارى تيىمدىلىگىن كوتەرۋ جولدارى قاراستىرىلدى
كەڭەس وتىرىسىنا قازاقستان، ازەربايجان، گرۋزيا تەمىر جول اكىمشىلىكتەرى جەتەكشىلەرى مەن اقتاۋ حالىقارالىق تەڭىز پورتى، باكۋ حالىقارالىق تەڭىز ساۋدا پورتى، كاسپي تەڭىزى كەمە كاسىپورنى جەتەكشىلەرى قاتىستى.
وتىرىستا قىتاي- قازاقستان- ازەربايجان- گرۋزيا - تۇركيا باعدارىنداعى «Nomad Express» كونتەينەرلىك پويىزىن وتكىزۋدەگى تەمىر جول تەڭىز كولىگى تىكەلەي حالىقارالىق تەمىر جول پاروم باعدارىنداعى قاتىسۋشىلاردى كولىك كومپانيالارىنىڭ ءوزارا ىقپالداسۋ تۇرعىسىنداعى تەحنولوگيالىق جۇمىسىن بەكىتۋ جايى قارالدى . سونداي- اق ت ح ك ب «Nomad Express» باعدارىنداعى كونتەينەرلىك پويىزدى ۇيىمداستىرۋداعى كەشەندىك مولشەرلەمەلەردى قولدانۋ تۋرالى؛ ت ح ك ب باعدارىنداعى قاتىسۋشىلاردىڭ كونسورسيۋمىن قۇرۋ جايى؛ ق ح ر- دان ەۋروپا ەلدەرىنە دەيىن روۋد- شوۋ ۇيىمداستىرۋ ماسەلەلەرى تالقىلاندى.
ۇيلەستىرۋ كوميتەتى وتىرىسىنىڭ قورىتىندىسى بويىنشا تاراپتار كونتەينەرلىك پويىزداردى وتكىزۋ كولىكتىك كومپانيالارىنىڭ اراسىندا ءوزارا تەحنولوگيا الماسۋ تۋرالى ۋاعدالاستىققا قول قويدى.
بۇل ماڭىزدى قۇجات بويىنشا ترانزيتتىك كونتەينەرلىك پويىزداردىڭ ءجۇرۋ مەرزىمى بارىنشا قىسقارادى. باعدارلاماعا قاتىسۋشى ءوزارا كولىك دالىزدەرى مەن كەدەن ورگاندارى الدىن الا اقپارات الماسادى. سونىمەن قاتار، تاسىمالداۋ قۇجاتتارى ءتارتىبى بەكىتىلەدى. وتىرىستا كونتەينەرلىك پويىزداردى بارلىق باعدارلاردا تاۋلىگىنە 1100 شاقىرىم جىلدامدىقپەن وتكىزۋ جايى قاراستىرىلدى.
سونداي- اق، ۇيلەستىرۋ كوميتەتىنىڭ قاتىسۋشىلارى كونتەينەرلىك پويىزىن ۇيىمداستىرۋدا ترانس كاسپي حالىقارالىق كولىكتىك باعدارى تاريفتىك مولشەرلەمەنى قولدانۋعا كەلىستى.
كوميتەت «Nomad Express» كونتەينەرلىك پويىزىن ۇيىمداستىرۋدا ارنايى تاريفتىك مولشەرلەمە ەنگىزۋگە ت ح ك ب باعدارىنا قاتىسۋشىلاردىڭ كونسورتسيۋمىن قۇراتىن بولدى. كونسورتسيۋمنىڭ ماقساتى تاپسىرىس يەلەرىنە لوگيستيكالىق قىزمەت كورسەتۋ ساپاسىن كوتەرۋ، جاڭا جۇك جونەلتۋشىلەردى تابۋ، جۇك اعىمدارىن ۇيىمداستىرۋ بويىنشا ايماقتاردان سەرىكتەستەر تارتۋ، ولارمەن بايلانىس ورناتۋ، قىتايدان ەۋروپا ەلدەرى اراسىنداعى روۋد- شوۋ باعدارلاماسىن ۇيىمداستىرۋعا باعىتتالعان.
ۇيلەستىرۋ كوميتەتىنىڭ نەگىزگى ماقساتى - ترانسكاسپي حالىقارالىق كولىكتىك باعدارىن دامىتۋ، جۇك تاسىمالىنا ورناتىلعان تاريفتىك شارتتار ماسەلەسىندە كەلىسىلگەن ساياساتتى جۇرگىزۋ، كولىك بايلانىستارىنىڭ تيىمدىلىگىن ارتتىرۋ، ىقپالداسقان لوگيستيكالىق جۇيە قۇرۋ بولىپ تابىلادى، دەپ حابارلايدى «ق ت ج» ۇ ك ا ق باسپا ءسوز قىزمەتى.
