دوللار قايتا قىمباتتاي باستادى

ساۋدانىڭ جالپى كولەمى 52,8 ميلليون دوللاردان استى. وعان ۆاليۋتا نارىعىنىڭ 21 مۇشەسى قاتىستى.

ايتا كەتەيىك، 9 -قازاندا ۇلتتىق بانك كەزەكتى رەت ينتەرۆەنسيا جۇرگىزدى. ينتەرۆەنسيانىڭ كولەمى 78,1 ميلليون دوللارعا تەڭ بولدى.

تەڭگە باعامىنا قولداۋ كورسەتۋ تۋرالى شەشىم 16 -قىركۇيەكتە قابىلدانعان بولاتىن. ول كەزدە ۇلتتىق بانك نارىقتا الىپساتارلىقتىڭ بولىپ جاتقانىن حابارلادى، سول كۇنى دوللاردىڭ باعامى 300 تەڭگەگە جەتتى. سول كەزدەن بەرى شەتەلدىك ۆاليۋتانىڭ باعاسى 270 تەڭگەگە دەيىن تومەندەدى. ساراپشىلار ۇلتتىق بانكتىڭ ۇلتتىق ۆاليۋتا باعامىنا قولداۋ كورسەتۋگە جاساپ جاتقان شارالارىنىڭ ارقاسىندا بۇل باعا ءالى ۇزاق ساقتالادى دەپ بولجادى.

ەسكە سالا كەتەيىك، 7 -قازاندا ۇلتتىق بانك باسشىسى قايرات كەلىمبەتوۆ بۇگىنگى جاعدايداعى تەڭگەنىڭ باعامىن لايىقتى دەپ اتادى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى