رەسەيدىڭ ءبىرىنشى ارناسى روزا رىمبايەۆاعا توسىن سىي جاسادى
توك-شوۋ بارىسىندا روزانىڭ قوس ۇلى ءالي وقاپوۆ پەن ءمادي رىمبايەۆ، سونداي-اق ءانشىنىڭ جيەندەرى دە سىر شەرتكەن سۇحباتى كورسەتىلدى. «توچ- ۆ- توچ» جوباسىندا رىمبايەۆاعا پاروديا جاساعان ءانشى سيەۆارا قازاقستاننىڭ حالىق ارتىسىنەن ۇيرەنەرى مول ەكەنىن ايتتى.
ال ءانشىنىڭ ءوزى قيىن تاعدىرى تۋرالى، كەش انا اتانعانى جايلى جانە ۇلدارى تۋرالى ءبىراز بايانداپ بەردى.
«ارينە، ۇلدارىڭىز ءوسىپ، ەرتە مە، كەش پە ۇيادان ۇشاتىنى بەلگىلى. ولاردىڭ جىلۋىن اركەز سەزىنۋ ءۇشىن، ءبىر سوزبەن ايتقاندا، ولاردىڭ جىلۋىنا ورانىپ جاتۋ ءۇشىن سىزگە مىنا ءبىر سىيلىعىمىزدى تارتۋ ەتەمىز»، - دەپ جۇرگىزۋشى يۋليا مەنشوۆا ءانشىنىڭ سۋرەتتەرى بەينەلەنگەن كورپەنى تارتۋ ەتتى.
«نەتكەن تاماشا! ومىرىمدە قانشاما سىيلىق بولدى (...)، ءبىراق مىنا كورپەڭىز ناعىز سەنساتسيا ەكەن»، - دەپ تاڭدانىسىن جاسىرمادى روزا رىمبايەۆا.
يۋليا مەنشوۆانىڭ «ناەدينە سو ۆسەمي» باعدارلاماسى - زاماناۋي توك-شوۋ. وندا ستۋدياعا كەلگەن تانىمال تۇلعالار ءومىرىنىڭ قىزىقتى ساتتەرىمەن بولىسەدى، تاعدىر جولى قايدا بۇرعانىن سارالاپ ايتادى. جۇرگىزۋشىنىڭ ءار قيلى سۇراقتارىنان قۇرالعان سۇحبات ستۋدياداعى كەيىپكەردەن كوز الدىمىزدا قازىرگى زاماننىڭ ءىرى تۇلعاسىن سومداپ بەرەدى.
nur.kz
