بەتكە قاراپ دەرتتى انىقتاۋعا بولادى

بۇل عىلىم ادامنىڭ كەلبەتىنە قاراپ قانداي دەرتكە شالدىققانىن انىقتايدى. ادەتتە ءار كۇنى جۇمىسقا كەتەردە اينا الدىنا كەلىپ ءوز بەينەڭىزگە ءبىر ۇڭىلمەي جولعا شىقپايتىنىمىز بار.

ءدال وسى ساتتە ءوز بەت- الپەتىڭىزدەگى وزگەرىستەرگە دەن قويا نازار سالساڭىز، دەنساۋلىعىڭىزداعى وزگەرىستەردى بايقاي الاسىز. بۇل اۋرۋدىڭ الدىن الۋعا وتە پايدالى. شىعىس مەديتسيناسىندا ەجەلدەن بار بۇل ءادىستىڭ ناۋقاسقا العاشقى دياگنوز قويۋدا ماڭىزى زور.

ەگەر دە...

كوزىڭىزدىڭ ءۇستى ىسسە

بۇل بۇيرەكتىڭ السىزدىگىنەن نەمەسە بۇيرەكتىڭ قابىنۋىنان دەرەك بەرۋى مۇمكىن. مۇندايدا دارىگەرگە بارىپ قارالىڭىز جانە قان قىسىمىڭىزدى ولشەتىپ كورىڭىز.

كوزدىڭ اينالاسى قاراۋىتسا

بۇل ءسىزدىڭ قاتتى شارشاعانىڭىزدى بىلدىرەدى، مۇنداي شاقتا دەمالىستى كوبەيتىپ، تىنىشتىققا نازار اۋدارىڭىز.

قۇلاق شۇڭقىرىنىڭ ءتۇسى بوزارىپ تۇرۋى قان اينالىمىنىڭ دۇرىس جۇرمەيتىنىن كورسەتەدى.

ەگەر ادامنىڭ مۇرنى مەن ەزۋىنەن تومەن قاراي سىزىقتار پايدا بولسا، وندا ونىڭ جۇرەگى مەن قان اينالىمى مۇشەلەرىنە سالماق كوپ تۇسەدى دەگەن ءسوز.

ءتىلدىڭ ءۇستى اعارىپ، قالىڭداسا

اس قورىتۋدىڭ جاقسى بولماعاندىعىنان، اسقازاننىڭ قابىنۋىنان، اسقازان- ىشەك جولى قىزمەتتەرىنىڭ قالىپسىزدىعىنان كورسەتەدى. مۇندايدا تاماقتى ولشەممەن جەۋگە نازار اۋدارۋ كەرەك.

بەتكە قارا داق تۇسسە

بۇل تاماقتا ۆيتامين ۆ توبىنىڭ نەمەسە ۆيتامين س- نىڭ كەمشىل ەكەنىن بىلدىرەدى. مۇندايدا بالعىن جەمىستەر مەن كوكونىستەردى كوبىرەك تۇتىنۋ كەرەك.

تەرى سارعايىپ كەتسە

باۋىردا ىستىق نەمەسە ت. ب. اقاۋلاردىڭ بار ەكەنىن بىلدىرەدى. مىسالى، باۋىردىڭ قابىنۋى، باۋىردىڭ قاتايۋى سىندى.

كوز استىنداعى قالتالانۋ، بەتتىڭ سارسىلىپ، ءىسىنۋى بۇيرەكتە نەمەسە قالقانشا بەزدە كىناراتتىڭ پايدا بولعانىن بىلدىرەدى.

بەزەۋ، بورتپە، ۇشىقتىڭ ءجيى شىعۋى دا اسقازان-ىشەك جولدارى، جۇيكە مەن ەندوكريندىك جۇيەدەگى اعزا جۇمىسىنىڭ اۋىتقۋشىلىعىنان بەلگى بەرەدى.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى