سۇيىكتىسىنە ۇسىنىسىن ەرەكشە جولمەن جاسادى

ەر جىگىت قىزى سۋپەرماركەتكە كەلگەنىندە ۇسىنىس جاساۋدى ۇيعارىپتى. ءبىر قىزىعى بولاشاق كۇيەۋ جىگىتكە قىزدىڭ اناسى كومەكتەسكەن. «مەن بۇل كۇنى ۇيدە بولعىم كەلگەن. ءبىراق انام دۇكەنگە بارۋىمدى ءوتىندى. ال ول جاقتا سونداي توسىن سىيدىڭ كۇتىپ تۇرعانىن بىلمەپپىن. انام ەكەۋمىز «اقتاۋ» ساۋدا ورتالىعىندا جۇرگەنبىز، ءبىر ۋاقىتتا قولدارىندا شارلارى بار ءۇش قىز كەلدى. ەشتەڭە تۇسىنبەدىم. انام «شارلاردى ال دا بارا بەر» دەدى. ال مەن قايدا بارۋ كەرەك ەكەنىن بىلمەي، تۇرىپ قالدىم. الاڭدادىم. سودان كەيىن داستان ميكروفونمەن تومەنگە ءتۇسۋىمدى سۇرادى»، - دەيدى انار.

ەر جىگىت ءوز سەزىمىن مۇز الاڭىندا جۇرەك ءتارىزدى گۇلدەردىڭ ورتاسىندا تۇرىپ، ميكروفونمەن ايتىپ بەرەدى. «مەن اناردى تاڭعالدىرعىم كەلدى، قۋانتقىم كەلدى، بۇل كۇندى ءومىر بويى ۇمىتپاستاي ەتكىم كەلدى. مەنىڭشە، قارىم-قاتىناس تاڭعالدىراتىن وقيعالارعا تولى بولۋى كەرەك. سۇيىكتىلەر ءبىر-ءبىرىن ءارقاشان قۋانتىپ، تاڭعالدىرۋى كەرەك. مەنىڭ قالىڭدىعىم مەنى ءجيى تاڭعالدىرادى. سول باستان ول ماعان ەرەكشە بولىپ كورىندى»، - دەدى داستان.

ەر جىگىتتىڭ ۇسىنىسىن سۇيىكتىسى ويلانباستان قابىل الدى، بۇل كەزدە ساۋدا ورتالىعىنىڭ قوناقتارى ولارعا قوشەمەت كورسەتىپ، شاپالاق ۇردى. جۇپ ۇيلەنۋ تويىنىڭ كۇنىن بەلگىلەپ تە قويىپتى - 17- جەلتوقسان.

kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى