مەكسيكادا مىڭداعان پەداگوگ نارازىلىق شاراسىنا قاتىستى
ءبىلىم بەرۋ سالاسى قىزمەتكەرلەرىنىڭ ۇلتتىق كاسىبي وداقتارى ۇيىمداستىرعان نارازىلىق شاراسى تاباسكو، چياپاس، گەررەرو، ميچواكان جانە واحاكا سىندى شتاتتاردا، سونىمەن قاتار ەل استاناسى مەحيكودا ءوتتى. تەلەارنا اقپاراتىنشا، شەرۋ كەزىندە وعان قاتىسۋشىلار ءبىرقاتار نەگىزگى جولداردى جاپقان.
شەرۋگە شىققاندار بيلىكتىڭ ءبىلىم سالاسىنداعى ساياساتىمەن كەلىسپەي وتىر. سونىڭ ىشىندە 2013 -جىلى ەل پرەزيدەنتى ەنريكە پەنيا نەتو ۇكىمەتى ۇسىنعان ءبىلىم بەرۋ رەفورماسىنا قارسى شىققان.
