قازاقستاندا ايەلدەر دەنساۋلىعىن قورعاۋ بويىنشا ونكۇندىك باستالدى
شارانىڭ نەگىزگى ماقساتى - حالىقتىڭ نازارىن قاتەرلى ىسىك اۋرۋلارىنىڭ الدىن الۋ مەن ەرتە انىقتاۋ ماسەلەلەرىنە اۋدارۋ، ءسۇت بەزى قاتەرلى ىسىگىن ەرتە انىقتاۋدىڭ ماڭىزدىلىعى جونىندە ايەلدەردىڭ ساۋاتتىلىعىن ارتتىرۋ، ءوز دەنساۋلىعى ءۇشىن ورتاق جاۋاپكەرشىلىكتى قالىپتاستىرۋ، ۋاقىتىلى سكرينينگتىك تەكسەرۋگە (مامموگرافيا) جانە سالاۋاتتى ءومىر سالتىنا بەيىمدىلىككە ىنتالاندىرۋ.
اۋرۋدى ەرتە انىقتاۋ مەن ۋاقىتىلى ەمدى باستاۋ - ايەلدەر دەنساۋلىعىن ساقتاۋدىڭ باستى كەپىلى. 2014 -جىلى قاتەرلى جانە قاتەرسىز ءسۇت بەزى ىسىكتەرىن ەرتە انىقتاۋ سكرينينگىنىڭ اياسىندا 386112 ايەل تەكسەرىلدى، 45077 (%11,7) قاتەرلى ىسىك جانە ىسىك الدى جاعدايلارى انىقتالدى.
قاتەرلى ىسىك اۋرۋلارىن ەرتە انىقتاۋ تاماقتانۋ بارىسىندا جەمىستەر مەن كوكونىستەردى از پايدالانۋ، فيزيكالىق بەلسەندىلىكتىڭ بولماۋى، شىلىم شەگۋ مەن ىشىمدىك ءىشۋ سياقتى اعزاعا زيانىن تيگىزەتىن قاۋىپتىڭ مىنەز- قۇلىق فاكتورلارىنىڭ اسەرىن بولدىرماۋ؛ ادامنىڭ پاپپيلوما ۆيرۋسىن شاقىراتىن (HPV) جۇقپالى اۋرۋلارعا قارسى ۆاكسيناتسيالاۋدان ءوتۋ، جۇمىس ورنىندا دەنساۋلىققا زيان جانە قاتەرلى فاكتورلاردى باقىلاۋ ارقىلى جۇزەگە اسىرىلادى.
وسى تۇرعىدا ەلىمىزدىڭ ايماقتارىندا وتەتىن ونكۇندىك بارىسىندا ءسۇت بەزى قاتەرلى ىسىگىن الدىن الۋ ماسەلەلەرى بويىنشا مەديتسينا قىزمەتكەرلەرىنە العاشقى مەديتسينالىق-سانيتارلىق كومەك، وقۋ سەمينارلارى، ترەنينگتەر، دوڭگەلەك ۇستەلدەر مەن ا م س ك مەكەمەلەرىندە سالالىق مامانداردىڭ قاتىسۋىمەن اشىق ەسىك كۇندەرى وتكىزىلەدى. جۇمىس ورىندارىندا ونكولوگيالىق قىزمەت ماماندارىنىڭ قاتىسۋىمەن پروفيلاكتيكالىق سكرينينگتىك تەكسەرۋلەر ۇيىمداستىرىلاتىن بولادى. ءسۇت بەزى قاتەرلى ىسىگىنىڭ الدىن الۋ دەنساۋلىق مەكتەپتەرىنىڭ جۇمىسى جانداندىرىلادى.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، ءسۇت بەزى قاتەرلى ىسىگى ايەلدەر اراسىندا كەڭ تارالعان. جىل سايىن بۇل اۋرۋعا 1,38 ميلليون ادام شالدىعادى، 458 مىڭ جاعداي ولىممەن اياقتالادى.
قازاقستاندا ءسۇت بەزى قاتەرلى ىسىگى جاڭادان پايدا بولاتىن قاتەرلى ىسىكتەر قۇرىلىمىندا، سونىمەن قاتار، جالپى قۇرىلىمدا دا ءبىرىنشى ورىندا. اتالعان اۋرۋ بويىنشا ءولىم- ءجىتىم 2014 -جىلى 100 مىڭ ادامعا شاققاندا 7,8 پايىزدى قۇرادى. ءسۇت بەزى قاتەرلى ىسىگىنىڭ I جانە II كەزەڭى 2013 -جىلمەن (%77,1) سالىستىرعاندا %80,6 نى قۇرادى.
الەمدە دۇنيەجۇزىلىك ءسۇت بەزى قاتەرلى ىسىگى تۋرالى حاباردار بولۋ كۇنى جىل سايىن 21 -قازاندا اتاپ وتىلەدى.
