جامبىل جابايەۆ تۋرالى كوركەم فيلم تۇسىرىلۋدە -فوتو
«كوزى تىرىسىندە- اق اتى اڭىزعا اينالعان، قازاق جىرىنىڭ دارابوزى، عاسىرعا جۋىق عۇمىر كەشكەن، قازاق مادەنيەتى، ادەبيەتىنە ولشەۋسىز مول مۇرا، سارقىلماس قازىنا قالدىرعان، قازاق اتىن الەمگە تانىتىپ، ونەرىن ورگە سۇيرەگەن جامبىلدىڭ ءومىر جولى مەن ونەرى وسى كوركەم تۋىندىدا سۋرەتتەلمەك» ، دەپ حابارلايدى «قازاقستان» ر ت رك» اق- نىڭ باسپا ءسوز- قىزمەتى.
ادەبيەت زەرتتەۋشىلەرىنىڭ ايتۋىنشا، جامبىل جابايەۆ كوپ قىرلى ۇلى تۇلعا. ونىڭ اقىندىعىن، سۋىرىپ سالما شەشەندىگىن بىلاي قويعاندا، جىر الىبى ايرىقشا ەستە ساقتاۋ قابىلەتىنە دە يە بولعان. ميلليون جول ولەڭدى جاتقا بىلگەن. سۇرانشى، وتەگەن باتىر، حان مەن اقىن سىندى ەپوستىق جىرلار مەن كورۇعلى، قىز جىبەك داستاندارىن ءتۇندى تاڭعا اسىرىپ ايتقان. ول ءوز زامانىندا حالقىنىڭ مۇڭىن مۇڭداپ، جوعىن جوقتاي ءبىلدى.
فيلمنىڭ رەجيسسەرى - ءانۋار رايبايەۆ («لاۆە»، «جەڭىس سەمسەرى»، «قازىنا» جانە تاعى باسقا كينوتۋىندىلاردىڭ رەجيسسەرى)، سەناريىن جازعان - باقىتجان شورماقوۆ.
جامبىلدىڭ رولىن قازاقستان رەسپۋبليكاسىنىڭ ەڭبەك سىڭىرگەن قايراتكەرى، «دارىن» مەملەكەتتىك جاستار سىيلىعىنىڭ لاۋرەاتى، اكتەر، ءانشى، كومپوزيتور، دراماتۋرگ - بايعالي ەسەناليەۆ سومدايدى. كارتينادا سونىمەن قاتار ايگۇل ۇلكەنبايەۆا (دينا نۇرپەيىسوۆا)، ءىلياس تۇرمانوۆ (لاۆرەنتي بەريا)، ايگەرىم سامەنوۆا (كۇلاش بايسەيىتوۆا)، جولامان ءامىروۆ (جاباي)، ەرگەنباي ابۋيەۆ (ءسۇيىنباي)، نۇربەك مۇقىش (كەنەن ازىربايەۆ)، بورانباي مولداحمەتوۆ (مۇحتار اۋەزوۆ)، قانات ءجۇنىسوۆ (ساكەن سەيفۋلين)، كەنتاي اقۇرپەكوۆ (تەمىربەك جۇرگەنوۆ)، باقىت بەدەلحان (باۋىرجان مومىش ۇلى) جانە تاعى دا باسقا بەلگىلى اكتەرلەر وينايدى.
تەلەسەريالدىڭ نەگىزگى كورىنىستەرى تابيعاتى اسەم الماتى وبلىسىنىڭ «ءۇشقوڭىر» باۋرايىندا، جامبىل وبلىسى مەن ماسكەۋ قالاسىندا ءتۇسىرىلدى.
كوركەم تۋىندىنىڭ رەجيسسەرى ءانۋار رايبايەۆ: « ءبىز ءتۇسىرىپ جاتقان «جامبىل» اتتى كوركەم فيلم 4 بولىمنەن تۇرادى. قازاق ءسوز ونەرىنىڭ «يمپروۆيزاتسيا» ءۇردىسىن جاڭا ارناعا بۇرىپ، جاڭاشا مازمۇن دارىتقان جامبىل اتامىز، قاراپايىم قارا ءسوزدىڭ مايىن تامىزىپ، تالاي ايتىستا جەڭىسكە جەتكەن، ەل الدىندا بەدەلدى ەدى. جۇدىرىقتاي جۇرەگىنە جەتىسۋ مەن الاتاۋدى بىلاي قويعاندا، بۇكىل الەمدى سىيدىرا بىلگەن، دانا اقىننىڭ ەلگە قالدىرعان اتالىق، دانالىق سوزدەرىن، ەل بۇگىندە اۋزىنان تاستامايدى. جۇرگەن جەرىندە، «مىڭ ءولىپ- مىڭ تىرىلگەن» بارشا قازاققا باتاسىن بەرە جۇرگەن جامبىلدىڭ سول باتاسى بۇگىنگى كۇنى دە جەردە قالماي، ارمانى مەن وي ءورىسى كوككە ورلەگەنىنە قازىرگى «ۇرپاق» ءبىز كۋا! ءبىزدىڭ ماقسات جامبىل اتامىزدىڭ «ادامي» تۇلعاسى مەن قادىر- قاسيەتىن باسقا قىرىنان كورسەتىپ، ابىرويىن كوككە ورلەتۋ» ، دەيدى.
ەندەشە، تاريحي درامانى كەلەر جىلدىڭ اقپان ايىندا، اقىننىڭ تۋعان كۇنى قارساڭىندا
«قازاقستان» تەلەارناسىنان تاماشالاڭىزدار!
دەرەك، سۋرەت: «قازاقستان» ر ت ر ك» ا ق باسپا ءسوز قىزمەتى.
