اقتوبەلىك شەنەۋنىك مەملەكەتتىك قىزمەتتەگى ايەل ادامداردىڭ كوبەيىپ كەتكەنىنە الاڭدايتىنىن ايتتى
اقتوبە وبلىسىندا 4474 شتاتتا قىزمەت اتقاراتىن مەملەكەتتىك قىزمەتكەر بار. ونىڭ 4468 ى ناقتى قىزمەتتە، «ا» كورپۋسىنا جاتاتىن 19 لاۋازىمدى تۇلعا قىزمەتتە بار ەكەن. ساياسي قىزمەتتە 6 ادام جۇمىس جاسايدى.
وبلىستا مەملەكەتتىك قىزمەتتە جۇرگەندەردىڭ باسىم بولىگى نازىك جاندىلار. وسىعان الاڭداعان وبلىستىق مەملەكەتتىك قىزمەت ىستەر اگەنتتىگى باسشىسىنىڭ ورىنباسارى قايىرجان توقىشەۆ مەملەكەتتىك مەكەمەلەردە قۇقىقتىق مەكتەپ جۇمىسىن كۇشەيتۋ كەرەك دەگەندى ايتادى.
«بىزدە مەملەكەتتىك قىزمەتكەرلەردىڭ باسىم كوپشىلىگى ايەل ادامدار. ولار تەك مەملەكەتكە عانا ەمەس، ۇيىندە دە قىزمەت جاسايدى. تاماعى بار، توسەگى بار، بالا- شاعاسى بار. ولاردىڭ بارلىعىنىڭ زاڭعا ەنگىزىلگەن وزگەرىستەردى ۇنەمى قاداعالاپ وتىرۋعا مۇمكىندىگى بولمايدى. سوندىقتان ءار مەكەمە جانىندا قۇقىقتىق مەكتەپ بولۋعا ءتيىس. مەملەكەتتىك قىزمەتكەرلەرگە وزگەرىسكە ەنگەن زاڭدار مەن مەملەكەتتىك قىزمەتكەردىڭ ەتيكاسىن ءتۇسىندىرۋ قاجەتتىلىگى تۋىنداپ تۇر»، - دەيدى اقتوبە وبلىستىق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى باسشىسىنىڭ ورىنباسارى قايىرجان توقىشەۆ.
اقتوبەدەگى مەملەكەتتىك قىزمەتكەرلەردىڭ 60 پايىزى ايەل ادامدار. مەملەكەتتىك قىزمەتكەرلەر اراسىندا قىزمەتتىك ەتيكانى ورىنسىز بۇزاتىندار كوپ كەزدەسەدى ەكەن. ونىڭ ىشىندە مەملەكەت مەنشىگىندەگى كولىكتى ءوز مۇددەلەرىنە پايدالاناتىندار كوپ. قازىر مەملەكەتتىك قىزمەتكەرلەر عالامتورعا دا جەكە قىزىعۋشىلىعىمەن كىرە المايدى. تالاپ پەن تەكسەرىس كۇشەيدى.
«زاڭ بىرەۋ بولعاندىقتان ءتارتىپ بارلىعىمىزعا ورتاق. ءبىز مەملەكەتتىك قىزمەتكەرلەردى جۇمىسىن قاداعالاۋعا الىپ وتىرمىز. وكىنىشكە وراي، قىزمەتتىك ەتيكا مەن قاراپايىم ار- نامىس قاعيدالارىن ەستەن شىعاراتىن قىزمەتكەرلەر بار. توعىز اي ىشىندەگى ەسەپتى الىپ قاراساق، وبلىستا قىزمەتىنە ساي ەمەس 21 مەملەكەتتىك قىزمەتكەر جۇمىستان قۋىلعان. ونىڭ 8 ى اۋماقتىق باسقارمادا، 13 ى جەرگىلىكتى اتقارۋشى ورگان قىزمەتكەرلەرى»، - دەيدى قايىرجان توقىشەۆ.
دەرەككوز: NUR. KZ
