قىتاي قازاقستاندىق ارمياعا تەگىن تەحنيكا بەرەدى
بۇل تۋرالى يمانعالي تاسماعامبەتوۆ پەن ق ح ر قورعانىس ءمينيسترى گەنەرال- پولكوۆنيك چاڭ ۋانشۋاننىڭ كەزدەسۋى بارىسىندا بەلگىلى بولدى. كەزدەسۋ قورىتىندىسى بويىنشا ق ر قارۋلى كۇشتەرىنە قايتارىمسىز تۇردە تەحنيكالىق كومەك كورسەتۋ تۋرالى ق ر جانە قىتاي اراسىنداعى كەلىسىمگە قول قويىلدى.
قورعانىس ءمينيسترى يمانعالي تاسماعامبەتوۆ قىتاي وكىلدەرىن استانا قالاسىندا 2016 -جىلدىڭ ماۋسىمىندا وتەتىن «كادەكس-2016» اسكەري تەحنيكا مەن قارۋ- جاراقتىڭ حالىقارالىق كورمەسىنە قاتىسۋعا شاقىردى. «قىتاي قورعانىس ونەركاسىبى كەشەنىنىڭ ەكسپوزيتسياسى جوعارى دەڭگەيدە ۇسىنىلادى دەپ ۇمىتتەنەمىن. بۇل ءبىزدىڭ اسكەري- تەحنيكالىق ىنتىماقتاستىعىمىزعا قوسىمشا سەرپىن بەرەدى»، - دەدى قورعانىس ۆەدومستۆوسىنىڭ باسشىسى.
ايتا كەتەيىك، ءوزارا ءىس- قيمىل جاساۋدىڭ ماڭىزدى اسپەكتىسى بىرلەسىپ دايىندالۋ جانە اسسيمەتريالىق قاۋىپ- قاتەرلەرگە قارسى ءىس- قيمىل جونىندەگى الەۋەتتى ارتتىرۋ اياسىندا تاجىريبە الماسۋ. قازاقستان تاۋلى دايارلىق، جاۋىنگەرلىك جۇزۋشىلەردى دايىنداۋ، قارۋلى كۇشتەر ارنايى بولىمشەلەرىنىڭ قالالىق جاعدايلارداعى ارەكەت ەتۋى بويىنشا بىرلەسكەن ءىس- شارالاردى ۇيىمداستىرۋعا مۇددەلى. جاقىن ارادا قىتاي مەن قازاقستان اۋماعىندا بىرلەسكەن روتالىق- تاكتيكالىق لاڭكەستىككە قارسى وقۋ- جاتتىعۋىن وتكىزۋ جوسپارلانىپ وتىر.
سونىمەن قاتار، ەكى ەلدىڭ ءوزارا ءىس- قيمىلىندا اسكەري ءبىلىم بەرۋ سالاسى ماڭىزدى ءرول اتقارادى. قازىرگى كەزدە قازاقستاندىق اسكەري قىزمەتشىلەر قىتايدىڭ ۇلت- ازاتتىق ارمياسىنىڭ اسكەري جوعارى وقۋ ورىندارىندا ءبىلىم الىپ جاتىر. ق ر- نىڭ اسكەري قىزمەتشىلەرى قىتاي ارمياسىنىڭ اكادەميالارىندا، سونداي- اق ءارتۇرلى ماماندىق بويىنشا دايارلاۋ كۋرستارىندا ءبىلىمىن جەتىلدىرۋ ۇستىندە.
