قاتەلىك - تاجىريبە مەن دانالىق اراسىنداعى كوپىر
شىن مانىندە ول سان الۋان: باقىت پەن قايعى، كوز جاس پەن قۋانىش، يەلەنۋ مەن جوعالتۋ، ايىرىلىسۋ مەن جولىقتىرۋ. وسىنىڭ بارلىعى قاتار جۇرەدى. ەڭ باستىسى، مۇنىڭ بارلىعى ەرەكشە اسەر سىيلايدى.
سەبەبى قولدا باردىڭ قادىرىن بىلگەن كەزدە عانا جاڭا سىيعا يە بولامىز. ال سىيدىڭ جاقسى نەمەسە جامان بولۋى ءومىردى قالاي قابىلدايتىندىعىمىزبەن تىكەلەي بايلانىستى.
ءدال قازىر ءوزىڭىز قالامايتىن جەردە ءجۇرىپ، جۇرەگىڭىزدىڭ تۇبىندە ءبىر وكسىك جۇلمالاپ، مازا بەرمەسە دە، تىعىرىققا تىرەلسەڭىز دە، ءسىز - باقىتتىسىز.
ويتكەنى بۇل شىن مانىندە قايدا بارعىڭىز كەلەتىنىن انىقتاۋعا، قايعىدان كەيىن ناعىز باقىتتىڭ ءدامىن تاتۋعا، تىعىرىققا تىرەلگەن كەزدە كەرەگەنى بۇزىپ، ءومىردىڭ ارى قاراي جالعاساتىندىعىنا كوز جەتكىزۋگە كومەكتەسەدى.
كوپ جاعدايدا ماحابباتتىڭ عۇمىرى ۇزاققا بارمايدى. ءبىز دانا قاريا بولىپ تۋىلمايمىز، الدىمىزدا نە كۇتىپ تۇرعانىن بىلمەيمىز. ءتىپتى «ماڭگىلىك» دەگەن ءسوزدىڭ ءتۇپ توركىنىن تۇسىنبەيمىز. ءبىراق ماحابباتتى سەزىنەمىز. بۇل سەزىم وزىمىزگە ساي بەرىلەدى. ول ءبىزدىڭ ەركىندىگىمىزبەن نەمەسە قورقىنىشتارىمىزبەن نىعايا تۇسەدى.
قايتارىمىنا ءبىر نارسە بەرسەڭ، مەن سەنى سۇيەتىن بولامىن. سەنىم ارتۋعا لايىق ەكەنىڭدى دالەلدەسەڭ، مەن ساعان سەنەتىن بولامىن. قۇنىڭ بار ەكەنىن كورسەت، مەن سەنى باعالاي تۇسەمىن. وسىنىڭ بارلىعى سەزىمدە، سۇيىكتىڭىزبەن، تۋعان-تۋىسقاندارىڭىزبەن، دوس-جاراندارىڭىزبەن قارىم-قاتىناستا كورىنىس تابادى.
سىرلاسقان كەزدە، ونىڭ جان-دۇنيەڭىزگە ەرەكشە جاقىن ەكەنىن سەزىنەتىن ادامدار بولادى. الەۋمەتتىك جەلىدەگى تانىستىقتاردى ارتتا قالدىرىپ، كوپ نارسەنى مويىندايسىز. سول كەيبىر ادام دەپ وتىرعان جانعا باۋىر باسقان كەزدە، وعان جان-دۇنيەڭىزدى اشاسىز. وزگە ايتۋعا ۇيالاتىن قورقىنىشتارىڭىز بەن قيىنشىلىقتارىڭىزدى ايتىپ بەرەسىز. ونىڭ دا سىرىن ۇققىڭىز كەلگەندىكتەن، ۇزاق ۋاقىت وتىرىپ سىرلاساسىز.
قىمبات دۇنيە-مۇلكى، ۇسىنار سىيى جوق ادامدار دا بولادى. ول ءسىزدى ەشنارسەسىز قۇمارتا بىلمەسە، ءجاي عانا ادام بولعانى. ءسىز ونىمەن قارىم-قاتىناستا بولاسىز، ءبىراق ماحابباتتى سەزىنبەيسىز. نە تۋرالى ايتىپ جاتقانىمىزدى كەي ادام عانا ۇعىنادى...
ەكى ادام اراسىنداعى ادال ماحابباتتان ارتىق سەزىم جوق. ول ماحاببات انا مەن بالا، دوستار، جىگىت پەن قىز اراسىندا بولۋى مۇمكىن. قاي ماحاببات بولسا دا، ول - ۇلكەن تاجىريبە. مۇمكىن بۇل ماحابباتتان ايىرىلىپ قالارسىز، مۇمكىن ارتتارىڭىزدان ۇرپاق، كىتاپ پەن ولەڭ، ءتاتتى ەستەلىكتەر قالار. قانداي جاعداي بولماسىن، ول سەزىنۋگە لايىق تاجىريبە ەكەنىن ۇمىتپاڭىز.
ءومىر، مەن سەنى سۇيەمىن!
massaget.kz
