مارستان ەجەلگى كولدەردىڭ ورىندارى تابىلدى

Curiosity مارستىق عارىش اپپاراتىنان باقىلاۋلار مارستا 3,8 جانە 3,3 ميلليارد جىل بۇرىنعى ارالىقتا ۇزاق ۋاقىت بويى سۋ مەن كولدەر اعىندارى بولعان دەگەن تۇجىرىم جاساۋعا مۇمكىندىك بەردى.

بۇعان شارپ تاۋىنداعى شوگىندى جىنىستاردىڭ قاباتتارى تۇرىندەگى كول ورىندارى دالەل بولا الادى. جاسالعان تالداۋ كورسەتكەندەي، بۇل جىنىستار جارتى ميلليارد جىلدان بۇرىن از ۋاقىت ىشىندە تۇزىلگەن.

«مارس ميلليارد جىل بۇرىن جەرگە قاتتى ۇقساعان ءتارىزدى. ەندىگى مىندەتىمىز - وندا جۇمساق كليمات قالاي بولعانىن جانە ىلعال قايدا جوعالعانىن انىقتاۋ»، دەيدى ناسا-نىڭ Mars Exploration وقۋ باعدارلاماسىنىڭ جەتەكشىسى مايكل مەيەر.

بۇرىنىراق ناسا بۇل عالامشاردان تابىلعان وزەندەر - تۇزدى سۋدىڭ ماۋسىمدىق اعىندارى ەكەنىن ءمالىم ەتكەن بولاتىن. عالامشار تانۋشىلار مۇنداي قورىتىندىعا Mars Reconnaissance Orbiter وربيتالىق مارستىق اپپاراتىنىڭ كومەگىمەن الىنعان جوعارى ساپالى تۇسىرىلىمدەردى تالداۋ ناتيجەسىندە كەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى