قازاقستاندا كورەي كينوسىنىڭ فەستيۆالى باستالدى

ساۋدا ورتالىعىنىڭ ءۇشىنشى عيماراتىندا بولعان شارا بارىسىندا قوناقتار كورەيلەردىڭ «پيبيمپاب» تاعامىنىڭ ءدامىن تاتتى. بۇل تاعام ادام دەنساۋلىعىنا پايداسى وتە زور اس ءمازىرى سانالادى. ونى دايىنداۋعا كۇرىش، كوكونىس، ءتۇرلى اسكوك، تەڭىز بالدىرى، ەت، جۇمىرتقا پايدالانىلادى.

بۇل شاراعا وراي كورەيادان كورەي اسپازدىق قاۋىمداستىعىنىڭ وكىلدەرى ارنايى كەلىپ، ولار كورەرمەندەردىڭ كوز الدىندا پيبيمپابانى ازىرلەدى. سودان كەيىن كەلۋشىلەر ودان ءدام تاتتى.

اعىمداعى جىلى كورەي كينوسى فەستيۆالى استانا، قاراعاندى، قوستاناي جانە شىمكەنت قالالارىندا وتەدى. كينو فەستيۆالدە كورەيلىك كينەماتوگرافيانىڭ 4 تۋىندىسى كورسەتىلەدى. كورەرمەندەر «وۋشەننىڭ 12 دوسى» اتتى امەريكاندىق فيلم نەگىزىندە تۇسىرىلگەن «ۇرىلار» كينوسىن تاماشالاي الادى. فيلم سانۇلت وكىلدەرىنىڭ قۇرىلعان كاسىبي ۇرىلاردىڭ ماكاودا تاريحي توناۋعا بەل بۋعاندىعى جايىندا سىر شەرتەدى.

ال «قانىشەردىڭ مويىنداۋى» تريللەرى 15 جىل بۇرىنعى بىرنەشە ادام ولىمىنە قاتىستى قىلمىستى پوليتسيا قىزمەتكەرلەرىنىڭ قايتا تەرگەۋى جايىندا. تەرگەۋگە ولار اتالعان قىلمىستاردىڭ قالاي جاسالعاندىعى تۋرالى جازعان كىتاپ شىققاننان كەيىن بارادى.

سونىمەن قاتار فەستيۆال اياسىندا «دۋرەسوري: شىعىس داۋىسى» اتتى مۋزىكالىق دراما دا كورسەتىلەدى. ءتورتىنشى فيلم - «بارلىعى دا مەنىڭ ايەلىم جايىندا» دەپ اتالاتىن رومانتيكالىق كومەديا. تۋىندىدا ايەلىمەن اجىراسپاق بولعان ازاماتتىڭ ءوزى ايەلىن كىنالى قىلىپ شىعۋ ءۇشىن وعان كوڭىلدەس جالدايتىندىعى جايىندا ايتىلادى.

فيلمدەردىڭ العاشقى كورسەتىلىمى قازاننىڭ 10-11 كۇندەرى ەلورداداعى «Kinopark 7» («كەرۋەن» ) كينوتەاترىندا وتەدى. ال 16-17 -قازان كۇندەرى قاراعاندىدا «Kinoplexx 3D (ك) » («City Mall» ) كينوتەاترىندا بولادى. قازاننىڭ 31 ى مەن قاراشانىڭ 1 ىندە قوستانايلىقتار «قازاقستان 3D» كينوتەاترىنان كورەي تۋىندىلارىن تاماشالاي الادى. فەستيۆال 7-8 -قاراشا كۇندەرى شىمكەنتتەگى «Kinopark 5» («MEGA- Shymkent» ) كينوتەاترىندا اياقتالادى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى