تۇركيا پرەمەرى انكاراداعى جارىلىستى كىمدەر ۇيىمداستىرۋى مۇمكىن ەكەنىن ايتتى

تىزىمدە «يسلام مەملەكەتى»، كۇردىستاننىڭ جۇمىسشىلار پارتياسى جانە سولشىل راديكالدار قوزعالىسى بار، دەپ حابارلادى ر ب ك.

تۇركيا بيلىگى ونداعان ادام قازا تاپقان انكاراداعى جارىلىستى «يسلام مەملەكەتى»، كۇردىستاننىڭ جۇمىسشىلار پارتياسىنىڭ بەلسەندىلەرى جانە سولشىل راديكالدار قوزعالىسى ۇيىمداستىردى دەگەن كۇدىك كەلتىرۋدە. Reuters حابارلاعانداي، بۇل تۋرالى تۇركيا پرەمەرى احمەت داۆۋتوگلۋ ءمالىم ەتتى. پرەمەر اقپاراتقا سايكەس لاڭكەستىكى ەكى جانكەشتىنىڭ جاساعانىن ايتتى.

سەنبى كۇنى، 10 -قازاندا انكاراداعى ورتالىق ۆوكزالعا «ەڭبەك. بەيبىتشىلىك. دەموكراتيا» بەيبىت نارازىلىق شەرۋىنە قاتىسۋشىلار جينالعان كەزدە ەكى جارىلىس بولدى. سوڭعى مالىمەتتەرگە قاراعاندا، 95 ادام قازا تاپتى، 200 ى جاراقات الدى. ەلدە ءۇش كۇندىك ازا تۇتۋ كۇنى جاريالاندى. «بۇل ءبىر توپقا نەمەسە ساياسي ۇيىمعا جاسالعان شابۋىل ەمەس. بۇل تۇتاس ەلىمىزگە جاساعان شابۋىل»، - دەدى داۆۋتوگلۋ.

بىرنەشە سەكۋندتىق ۇزىلىسپەن انكارا تەمىر جول ۆوكزالىندا سەنبى كۇنى تاڭەرتەڭ ەكى جارىلىس بولدى. وندا ەڭبەك. بەيبىتشىلىك. دەموكراتيا» بەيبىت نارازىلىق شەرۋى ءوتىپ جاتقان. شەرۋ تۇرىك بيلىگى مەن كۇردتەر اراسىنداعى اسكەري قاقتىعىستاردى توقتاتۋ ءۇشىن ۇيىمداستىرىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى