جەتى جاسار قىزدى زورلاماق بولعانداردى ۇستاعان ساربازدار ماراپاتتالدى

جاعا ۇستاتار جاعداي استانادا قازاننىڭ بەسى كۇنى بولعان. قالادا دەمالىستا جۇرگەن قايىربولات زاكارەيەۆ پەن نيكولاي شپادوۆ ايالداماعا دەيىنگى جولدى قىسقارتۋ ءۇشىن بالاباقشا اۋلاسىمەن ءوتىپ بارا جاتىپ، سۇمدىق وقيعانى كوزى شالعان. جەتى جاسار قىزعا ايۋاندىق ارەكەت جاساماق بولعان 38 جانە 39 جاستاعى ازاماتتاردىڭ ۇستىنەن تۇسەدى. جەدەل ءىس-قيمىلدىڭ ارقاسىندا بىرەۋىن ۇستاپ، پوليتسياعا حابارلايدى. قاشىپ كەتكەن ەكىنشىسى دە ۇزاماي قولعا تۇسكەن.

قايىربولات زاكارەيەۆ، ق ر ۇلتتىق ۇلان 5573 اسكەري ءبولىمىنىڭ ساربازى:

كىشكەنتاي قىز ول «سيندروم داۋنا» دەگەن اۋرۋمەن اۋىرادى ەكەن. ينۆاليد. ءبىراق ول ايقايلاي المايدى، سويلەي المايدى. ءبىراق قىرىلداعان داۋسىن ەستىدىك. ول جەردە ءبىز بولماساق، انا قىز ءولىپ كەتەرمە ەدى دەپ ويلايمىن دا. ءبىر-ەكى ساعات وتسە، بارعان كەزدىڭ وزىندە قىز قالتىراپ-دىرىلدەپ جاتىر.

ۆيكتور شالىجين، زارداپ شەككەن قىزدىڭ اكەسى:

ولار قىزىمنىڭ قوس پەرىشتەسى سياقتى. قاجەت ۋاقىتتا قاسىنان تابىلىپ، جامان ارەكەتتىڭ الدىن الدى. ولارعا ايتار العىسىم شەكسىز. ال دەرتكە شالدىققان، سويلەي المايتىن قىزىما ايۋاندىق جاساعان ادامداردىڭ جازاسىن ءبىر اللا بەرسىن.

astanatv.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى