الماتىدا جۋرناليست قىزعا جاسالعان شابۋىلدىڭ كەسكىنى جاريالاندى

ۆيدەو جۇمانوۆانىڭ Facebook-تەگى پاراقشاسىندا پايدا بولدى.

وقيعا 8- قازان كۇنى كەشكە بولعان. ۆيدەودان ءبىر جىگىتتىڭ جۋرناليست قىزدىڭ سوڭىنان ىلەسىپ كەلىپ، بىرەر سەكۋندتان كەيىن ونى سوققىعا جىعىپ، ۇرىپ، تەپكەنىن كورۋگە بولادى.

پوليتسياداعىلار جۇمانوۆاعا شابۋىلدىڭ جاسالعانىن راستادى. قالالىق ءى ءى د باسپا ءسوز قىزمەتىنىڭ باسشىسى سالتانات ازىربەكتىڭ ايتۋىنشا، پوليتسيا ۆيدەونى تەكسەرىپ جاتىر. شابۋىل جاساعان ەر ادامعا ىزدەۋ جاريالاندى. سونىمەن قاتار، «بۇزاقىلىق» بابى بويىنشا سوتقا دەيىنگى تەرگەۋ باستالدى.

ايتا كەتەيىك، جۇمانوۆانىڭ الەۋمەتتىك جەلىدەگى پاراقشاسىندا ونىڭ دوستارىنىڭ اتىنان جازىلعان جازباعا قاراعاندا، قىزدى سوققىعا جىققان جىگىت ونىڭ ەش نارسەسىن الماعان. «بوتا قازىر اۋرۋحانادا، ونىڭ باسسۇيەگى قاتتى جاراقاتتانعان، مۇرنى سىنىپ، جارالانعان. ول ءوز-وزىنە كەلدى، ءبىراق جاعدايى ءالى اۋىر، ءىشىنارا ەستە ساقتاۋ قابىلەتىنەن ايىرىلعان». جازبادا جۇمانوۆانىڭ دوستارى بۇل وقيعاعا قاتىستى قانداي دا ءبىر اقپاراتى بار ادامداردان پوليتسياعا حابارلاۋدى سۇرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى