ەرلان نۇرمۇحامبەتوۆتىڭ «جاڭعاق تال» فيلمى پۋسان فەستيۆالىندە توپ جاردى

كينوكارتينا بايقاۋ كورسەتىلىمىنە قاتىسىپ، New Currents («جاڭا اعىم») سەكسياسى اياسىندا جەڭىسكە جەتتى.

قازاقستاندىق فيلممەن بىرگە بۇل سەكسيادا يراندىق رەجيسسەر حادي موگاحەدا (Hadi Mohaghegh)  «بەسسمەرتنىي» فيلمى دە ۇزدىك اتاندى. ءار رەجيسسەر وزىمەن 30 مىڭ دوللاردان اكەتەدى.

«جاڭعاق تال» فيلمى نەگىزىندە كادىمگى وتباسىنىڭ اراسىنداعى قارىم-قاتىناستار سۋرەتتەلەدى.

«بۇل تۋىندى يۋمور، جاقسىلىق جانە كەشىرىم ءبىزدىڭ ءبارىمىزدى بىرىكتىرەتىندىگىن دالەلدەيدى»، - دەدى بەلگىلى تايۆان اكتريساسى جانە رەجيسسەر سيلۆيا چجان.

ەكى رەجيسسەردى دا سەنبى كۇنى فەستيۆالدىڭ جابىلۋىندا ماراپاتتايدى دەپ كۇتىلۋدە.

اتاپ ءوتۋ كەرەك، رەجيسسەر ءوزىنىڭ فيلمىنىڭ الەمدىك پرەمەراسىن فەستيۆال اياسىندا وتكىزدى. بارلىعى فەستيۆالدە 94 فيلمنىڭ الەمدىك پرەمەراسى بولدى.

ەسكە سالا كەتەيىك، 2015-جىلى 1- جانە 10- قازان ارالىعىندا پۋسان (وڭتۇستىك كورەيا) قالاسىندا 20- حالىقارالىق كينوفەستيۆال ءوتتى. بيىل وعان75 ەلدىڭ 302 فيلمى قاتىستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى