ت. مۇسابايەۆ ق ر- داعى عارىش سالاسىن دامىتۋدىڭ جوسپارلارىمەن جانە مۇمكىندىكتەرىمەن ءبولىستى - فوتو

رەسەيلىك عارىشكەر، ح ع س- داعى 43/44 ەكسپەديتسياسىنىڭ كومانديرى گەننادي پادالكا جانە ە پ-18 مۇشەلەرى قازاقستاندىق ايدىن ايىمبەتوۆ پەن دانيالىق تۇڭعىش عارىشكەر اندرەاس موگەنسەنمەن جۇلدىزدى قالاشىقتا وتكەن سالتاناتتى كەزدەسۋدە ق ر ينۆەستيتسيالار جانە دامۋ مينيسترلىگى اەروعارىش كوميتەتىنىڭ ءتوراعاسى تالعات مۇسابايەۆ وسىنداي پىكىرىمەن ءبولىستى.

«عارىشكەرلەردى عارىشقا ۇشىرعان كەز كەلگەن ەل ونى توقتاتپاۋى ءتيىس. قازاقستاندا بۇل ءىستى ءارى قاراي جالعاستىرۋ ءۇشىن بارلىق مۇمكىندىكتەر بار دەپ ويلايمىن»، - دەدى ت. مۇسابايەۆ.

قازاقستاندىق اەروعارىش كوميتەتىنىڭ ءتوراعاسى اتاپ وتكەندەي، بۇل ءۇشىن «قازعارىش» جوسپارىندا عارىشكەرلەردى عارىش كەڭىستىگىنە ۇشىرۋعا دايىنداۋ ءبولىمى بار.

«پەرسپەكتيۆالار جاقسى. بۇل تەلەكوممۋنيكاتسيالىق ماقساتتاعى عارىش اپپاراتتارىن باسقاراتىن جەرۇستى كەشەندەرى، الماتى تۇبىندە، سونداي-اق اقكولدەگى رەزەرۆتەگى جانە نەگىزگى كەشەندەر. بۇل جەردى قاشىقتىقتان زوندتاۋ جۇيەسى. سپۋتنيكتەردى ۇلتتىق عارىش ورتالىعىنىڭ ماماندارى باسقارادى»، - دەدى ت. مۇسابايەۆ.

ول قازاقستاننىڭ عارىش سالاسىندا العا جىلجۋىنا سەپتەسەتىن قازاقستاندىق-رەسەيلىك بىرلەسكەن جوبالاردى اتادى.

«استانا قالاسىندا عارىش اپپاراتتارىن جيناقتاۋ سىناۋ كەشەنىن قۇرۋ جوسپارلانعان. ت م د اۋماعىندا ونداي كەشەن جوق. ءبىز ءبىرىنشى بولامىز»، - دەپ اتاپ ءوتتى قازاقستاندىق اەروعارىش كوميتەتىنىڭ ءتوراعاسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى