بەيجىڭدە قىتايدىڭ س ءى م باسشىسى جانە قازاقستان ەلشىسىنىڭ قاتىسۋىمەن ا و س ش ك كۇنى اتاپ ءوتىلدى - فوتو
ءىس-شاراعا ق ح ر سىرتقى ىستەر ءمينيسترى ۆان ي، قىتايدىڭ سىرتقى ساياسات ۆەدومستۆوسى باسشىسىنىڭ ورىنباسارلارى جانە باسقا مەملەكەتتىك ورگاندارىنىڭ وكىلدەرى، ا و س ش ك- كە مۇشە جانە بايقاۋشى- مەملەكەتتەردىڭ ەلشىلەرى، سونداي-اق بەيجىڭدەگى حالىقارالىق ۇيىمدار وكىلدىكتەرىنىڭ باسشىلارى قاتىستى.
ۆان ي ءوزىنىڭ كىرىسپە سوزىندە ا و س ش ك قۇرۋ بويىنشا باستامانى العاشقى رەت ق ر پرەزيدەنتى نۇرسۇلتان نازاربايەۆ كوتەرگەنىن جانە 23 جىل ىشىندە فورۋم ازياداعى قاۋىپسىزدىك سالاسىندا كوپجاقتى ديالوگتى وتكىزۋگە ارنالعان ماڭىزدى الاڭ بولعانىن اتاپ ءوتتى.
ول 2014-جىلعى ا و س ش ك شاڭحاي ساميتى وتكىزىلگەننەن بەرى مۇشە-مەملەكەتتەر ەكونوميكالىق، گۋمانيتارلىق جانە قورشاعان ورتانى قورعاۋ سالالارىندا سەنىم شارالارىن نىعايتۋ بويىنشا بەلسەندى جۇمىستاردى وتكىزگەنىن باسا ايتتى.
ش. نۇرىشيەۆ قۇرمەتتى قوناق جانە ا و س ش ك باستاماشى- مەملەكەتتىڭ وكىلى رەتىندە ءسوز سويلەدى. ەلشى قازاقستان قىتايدىڭ كەڭەستەگى اعىمداعى ءتوراعالىعىنا ەرەكشە ءۇمىت ارتاتىنىن اتاپ ءوتىپ، قىتايلىق «ارىپتەستەرگە ءتوراعالىقتى 2018-جىلعا دەيىن ۇزارتۋىنا العىس ءبىلدىردى. سونىمەن قاتار، ول ق ر پرەزيدەنتى ن. نازاربايەۆتىڭ كەڭەستى ازياداعى قاۋىپسىزدىك جانە دامۋ ۇيىمىنا وزگەرتۋ تۋرالى ۇسىنىسىن قولداۋعا شاقىردى.
