ب. بايبەك: الماتىدا ب ۇ ۇ- نىڭ مەرەيلى سالتاناتتارىن وتكىزۋ - ق ر- دىڭ حالىقارالىق مارتەبەسىن ارتتىرۋداعى ماڭىزدى قادام
كەزدەسۋدىڭ باستى تاقىرىبى رەتىندە بىرىككەن ۇلتتار ۇيىمىنىڭ 70 جىلدىعىن مەرەكەلەۋ ءسوز بولدى، دەپ حابارلايدى اكىمدىكتىڭ باسپا ءسوز قىزمەتىنەن.
«الماتىلىقتار الەمدىك قوعامداستىقپەن بىرگە پرەزيدەنت نۇرسۇلتان نازاربايەۆتىڭ نيۋ- يوركتە وتكەن ب ۇ ۇ باس اسسامبلەياسىنىڭ 70- سەسسياسىنداعى ورتاق دەباتتارداعى سويلەگەن ءسوزىن زەيىن قويا تىڭدادى. ءبىزدىڭ ەلىمىز ءۇشىن بۇل وتە ماڭىزدى.
ۇلت باسشىسىنىڭ بەيبىتشىلىك سۇيگىش ساياساتى ارقاسىندا ءبىز العاشقىلاردىڭ ءبىرى بولىپ يادرولىق قارۋدان باس تارتتىق، يگى باستامالاردىڭ بارلىعى ءوڭىر حالقىنىڭ دامۋى مەن گۇلدەنۋىنە باعىتتالعان»، - دەدى اكىم.
وسىعان وراي قالا باسشىسى الماتىدا ب ۇ ۇ- نىڭ مەرەيلى سالتاناتتارىن وتكىزۋ الماتىنىڭ عانا ەمەس، جالپى قازاقستاننىڭ حالىقارالىق مارتەبەسىن ارتتىرۋداعى ماڭىزدى قادام بولاتىندىعىن اتاپ ءوتتى.
ب ۇ ۇ- نىڭ الماتىداعى كۇندەرى اياسىندا، الدىن الا جاسالعان باعدارلاما بويىنشا 20-24- قازان كۇندەرى ارالىعىندا كورمەلەر، عىلىمي كونفەرەنسيالار، كونسەرتتەر وتكىزۋ جوسپارلانعان. بۇلاردان وزگە، «ب ۇ ۇ الەمدى كوگىلدىر تۇسكە بويايدى» اتتى حالىقارالىق باستاما اياسىندا مەگاپوليستىڭ كورنەكى ورىندارى - رەسپۋبليكا سارايى مەن «قازاقستان» قوناق ءۇيى نەون جارىعىمەن كومكەرىلەدى.
قالا باسشىسى الماتىنىڭ ب ۇ ۇ ءۇشىن وڭىرلىك حابقا اينالۋعا تولىق مۇمكىندىگى بار ەكەنىن جانە مەگاپوليستىڭ ينۆەستيتسيالىق-ەكونوميكالىق تارتىمدىلىعىن دا اتاپ ءوتتى. «شەتەلدىك وكىلدىكتەر مەن حالىقارالىق ۇيىمداردىڭ دۇرىس جۇمىس ىستەۋلەرى ءۇشىن قولايلى جاعداي تۋعىزۋ - باستى مىندەتتەردىڭ ءبىرى»، - دەدى اكىم.
