پوروشەنكو نازاربايەۆتى ب ۇ ۇ- دا قازاقشا بايانداما جاساعانى ءۇشىن ماقتادى

«قۇرمەتتى نۇرسۇلتان ءابىش ۇلى! ءبىزدىڭ مەملەكەتتىك ساپارىمىزدى قابىل الىپ، زور قوشەمەتپەن قارسى العاندارىڭىز ءۇشىن شەكسىز ريزاشىلىعىمدى بىلدىرەمىن. بۇل ساپارىمىز قازاقستاندا ءوتىپ جاتقان ەرەكشە وقيعامەن تۇسپا- تۇس كەلىپ وتىرعانىنا قۋانىشتىمىن. ول -  قازاق حاندىعىنىڭ 550 جىلدىعى. اتالعان شارانى تەلەديدار ارقىلى كورىپ، ءتانتى بولدىق. كەشە تارازداعى وسىناۋ مەرەكەگە قاتىسىپ، بۇگىن بىزبەن كەزدەسىپ، ەكىجاقتى ماسەلەلەردى تالقىلاۋدا بەلسەندىلىك تانىتىپ وتىرعانىڭىز ءۇشىن العىسىم شەكسىز. مۇنى ءسىزدىڭ ۋكراين حالقى مەن ونىڭ ۇكىمەتىنە بىلدىرگەن سەنىمىڭىز بەن رياسىز قۇرمەتىڭىز دەپ بىلەمىن»، -  دەدى پوروشەنكو.

سونداي- اق، ول قازاقستان پرەزيدەنتىنىڭ ب ۇ ۇ مىنبەتىندە قازاق تىلىندە بايانداما جاساعانىن جوعارى باعالايتىنىن ايتتى.

«مەن ءسىزدىڭ ب ۇ ۇ- دا جاساعان بايانداماڭىزدى تولىق تىڭداپ شىقتىم جانە ول ماعان جاعىمدى اسەر قالدىردى. ويتكەنى، ءسىز مىنبەردە تۇرىپ، قازىرگى ۋكراينا پروبلەماسىن شەشۋ ماسەلەسىن كوتەردىڭىز. ال، باياندامانى باستان- اياق قازاق تىلىندە جاساۋىڭىز حالقىڭىزعا زور كۇش-جىگەر سىيلادى دەگەن سەنىمدەمىن»، - دەدى ۋكراينا پرەزيدەنتى.

دەرەككوز: BAQ. KZ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى