جۇلدىزدى قالاشىقتاعى عارىشكەرلەردىڭ سالتاناتتى كەزدەسۋىنە عارىشكەر ايدىن ايىمبەتوۆتىڭ اناسى مەن جارى دا شاقىرىلدى - فوتو

عارىشتاعى ساپاردان جانە عارىشكەرلەردىڭ قالىپقا كەلگەنىنەن كەيىنگى ءداستۇرلى كەزدەسۋلەر باسپا ءسوز كونفەرەنتسياسىنان باستالادى. ەكى ساعات ىشىندە گەننادي پادالكا، ايدىن ايىمبەتوۆ جانە اندرەاس موگەنسەن جۋرناليستەردىڭ ساۋالدارىنا جاۋاپ بەردى.

كۇندىزگى ساعات 12-دە ح ع س-43/44 جانە ەپ-18 ەكيپاجىنىڭ مۇشەلەرى، مەملەكەتتىك كوميسسيا مۇشەلەرى، رەسەيعارىش، قازعارىش وكىلدەرى، قوناقتار يۋ. ا. گاگارين ەسكەرتكىشىنە گۇل شوقتارىن قويدى. كەيىن ولار عارىشكەرلەر ۇيىنە اتتاندى، مۇندا ولاردى نان جانە تۇزبەن قارسى الدى.

سالتاناتتى شاراعا قاتىسۋ ءۇشىن ماسكەۋگە ق ر ي د م اەروعارىش كوميتەتىنىڭ ءتوراعاسى تالعات مۇسابايەۆ باستاعان قازعارىش دەلەگاتسياسى باردى.

ەكيپاجدى قوشەمەتتەۋگە عارىشكەرلەردىڭ تۋىستارى مەن جاقىندارى شاقىرىلدى. قۇرمەتتى قوناقتاردىڭ قاتارىندا عارىشكەر ايدىن ايىمبەتوۆتىڭ اناسى - جۇماگۇل مەن جارى ليليا بولدى.

كەيىن رەسەي عارىش تەلەستۋدياسىنىڭ ۆيدەوفيلمى كورسەتىلدى. وندا ەكيپاجدىڭ ۇشۋعا دايىندىعى، ۇشۋداعى قىزىقتى كورىنىستەر مەن عارىش ميسسياسىنىڭ قورىتىندىسى بەينەلەنگەن.

 وسىدان كەيىن جيىلعانداردىڭ بارلىعى پرەزيديۋمعا كوتەرىلدى.

شارانىڭ سالتاناتتى بولىگىن يۋ. ا. گاگارين اتىنداعى ع ۇ و باسشىسى يۋري لونچاكوۆ اشتى.

ەكيپاج كومانديرى گەنناديي پادالكا، عارىشعا العاش رەت ۇشقاندار - ايدىن ايىمبەتوۆ پەن اندرەاس موگەنسەن وزدەرىنىڭ اسەرلەرىمەن ءبولىسىپ، وربيتاداعى جۇمىس ناتيجەلەرىن باياندادى.

عارىشكەرلەر قولتاڭبالارىن بەرىپ، وزگەلەرمەن بىرگە سۋرەتكە ءتۇستى.

سالتاناتتى شارانى «حابار» اگەنتتىگى، 24.kz تەلەارناسى ءتۇسىرىپ، شاراعا شاقىرىلعان «كازاحستانسكايا پراۆدا» گازەتىندە دە ماقالا جاريالاناتىن بولدى.

بىرنەشە كۇننەن كەيىن ءوزىنىڭ عارىشتاعى باعدارلاماسىن ءساتتى ورىنداعان عارىشكەر ايدىن ايىمبەتوۆ استاناعا ورالادى. ەلوردالىق وقۋشىلار سارايى جانىنداعى ايدىن ايىمبەتوۆ بىرنەشە جىل بۇرىن قۇرعان جاس عارىشكەرلەر مەكتەبىندەگى وقۋشىلارى دا وقىتۋشىسىن تاعاتسىزدانا كۇتىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى