باس ءمۇفتي: ءدىندى دۇرىس ءتۇسىنۋ ءۇشىن تەرەڭ ءبىلىم الۋ كەرەك

باس ءمۇفتي ەڭ الدىمەن ءدىن قىزمەتكەرلەرىمەن داستۇرگە اينالعان ءدارىس ارقىلى جۇزدەسۋدەگى قۋانىشىن جەتكىزدى. سونداي-اق، ەلىمىزدىڭ الىس ايماقتارىنان ۋاقىتتارىن ارنايى ءبولىپ كەلگەن يمامدارعا ءبىلىم الۋدىڭ ساۋابى مول، قايىرلى امال ەكەنىن ايتتى. ءدارىس قوعامدىق ماسەلەلەرگە قاتىستى ءپاتۋا شىعارۋدىڭ ءادىس- تاسىلدەرى تاقىرىبىندا بولدى.

«ءبىلىم الۋ ارقىلى ادامنىڭ دۇنيەتانىمى كەڭەيىپ، دۇنيەنى جانە ونىڭ ىشىندەگى بارلىق قۇبىلىستاردى شىنايى تانۋعا مۇمكىن الادى. ءبىلىمنىڭ نەگىزگى ماقساتى دا سول. اللا تاعالا قۇراننىڭ ەڭ العاش تۇسكەن «الاق» سۇرەسىندە: «وقى! جاراتقان راببىڭنىڭ اتىمەن وقى!» - دەيدى. دەمەك، العاشقى اياتتار وقۋ وقىپ، ءبىلىم الۋ كەرەكتىگىن مەڭزەپ تۇر.

بۇل اللا تاعالانىڭ ادام بالاسىنا بۇيىرعان ءامىرى. الايدا اياتتا قاي ءىلىم سالاسىن وقۋ كەرەكتىگى ناقتى ايتىلماي جالپىلاما ساۋاتتى بولۋدى بۇيىرعان. سول ءۇشىن ادام ومىرىندە ءدىني ءىلىمنىڭ دە، دۇنيەۋي ءىلىمنىڭ دە الاتىن ورنى ەرەكشە. تەك ءدىني ءبىلىم الۋ پارىز دا، دۇنيەۋي ءىلىم الۋ ماڭىزدى ەمەس دەپ ءتۇسىنۋ قاتە پىكىر»، - دەپ اتاپ ءوتتى باس ءمۇفتي ەرجان قاجى مايامەروۆ.

ءدارىس سوڭى سۇراق- جاۋاپ ارقىلى جالعاسىن تاۋىپ، يمامدار كوكەيتەستى سۇراقتارىنا مازمۇندى جاۋاپ الدى.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى