پ. پوروشەنكو ەلباسىن ۋكرايناعا ساپارمەن كەلۋگە شاقىردى
بۇگىن اقوردادا ەلباسى نۇرسۇلتان نازاربايەۆپەن شاعىن جانە كەڭەيتىلگەن قۇرامداعى كەلىسسوزدەردەن كەيىنگى بىرلەسكەن مالىمدەمەدە ەلىمىزگە العاشقى مەملەكەتتىك ساپارمەن كەلگەن ۋكراينا پرەزيدەنتى پەتر پوروشەنكو ايتتى.
«مەن قۇرمەتتى نۇرسۇلتان ءابىش ۇلىن كەلەسى جىلى مەملەكەتتىك ساپارمەن ۋكرايناعا كەلۋگە شاقىرعانىمدى اتاپ وتكىم كەلەدى. مەنىڭ شاقىرۋىم قابىل الىنعانىنا شىنايى ريزاشىلىعىمدى بىلدىرەمىن. وسى ءساتتى پايدالانا وتىرىپ، قوناقجاي قازاق جەرىندە جىلى قابىلداعانى ءۇشىن پرەزيدەنت مىرزاعا العىسىمدى بىلدىرگىم كەلەدى. ماعان قازىرگى ۋاقىتتا قازاقستاندا جۇزەگە اسىرىلىپ جاتقان رەفورمالار جوسپارى جايىندا ەستۋ قىزىقتى بولدى»، - دەدى پ. پوروشەنكو.
ونىڭ اتاپ وتۋىنشە، قازاقستان مەن ۋكراينانىڭ دامۋ جوسپارلارى، سونىمەن قاتار مەملەكەتتىك قىزمەتتى سوت جۇيەسىن رەفورمالاۋ، ينۆەستيتسيالىق احۋالدى جاقسارتۋ جوسپارلارى دا ۇقساس بولىپ كەلەدى.
