ن. نازاربايەۆ ۋكرايناعا مۇناي جەتكىزۋدەگى ناقتى پروبلەمانى اتادى

سەبەبى، مۇناي قۇبىرى رەسەي اۋماعى ارقىلى وتەدى.

بۇگىن اقوردادا ەلىمىزگە العاشقى مەملەكەتتىك ساپارمەن كەلگەن ۋكراينا پرەزيدەنتى پەتر پوروشەنكومەن شاعىن جانە كەڭەيتىلگەن قۇرامداعى كەلىسسوزدەردەن كەيىنگى بىرلەسكەن مالىمدەمەسىندە ەلباسى نۇرسۇلتان نازاربايەۆ وسىلاي دەدى.

«بىزدەردىڭ ۋكراينانىڭ ەلەكتر ستانسالارىنا قاجەتتى كومىردى جەتكىزۋ ماسەلەسىن ايقىنداعانىمىزدى ايتتىم. ول ءۇشىن قانداي ماركا قاجەت ەكەندىگىن انىقتادىق. سىزدەردى كومىردىڭ قۇرامى قىزىقتىراتىن بولسا ونى ماماندار انىقتايدى. ءبىزدىڭ جەكە كومپانيالارىمىز ءوزارا ۋاعدالاسادى. بۇل ماسەلە بويىنشا ءبىز كەلىسىمگە كەلدىك»، - دەدى ەلباسى.

ق ر پرەزيدەنتى قازاقستاندا ۋكراينادا، اسىرەسە حاركوۆ زاۋىتىندا شىعارىلعان ەنەرگيا جابدىقتارىنا سۇرانىستىڭ جوعارى ەكەندىگىن اتاپ ءوتتى. ەلىمىزدەگى ەكىباستۇز ەلەكتر ستانساسى اتالعان زاۋىتتىڭ ترۋبينالارىن پايدالانۋدا.

«ۋكراينانىڭ مۇناي وڭدەۋ زاۋىتتارىنا شيكى مۇنايدى جەتكىزۋ پروبلەما. ويتكەنى، بۇل قۇبىرلار رەسەي اۋماعى ارقىلى وتەدى. ءبىز بۇل جايىندا دا سويلەستىك، مۇناي ونىمدەرىمەن كومەك كورسەتۋ مۇمكىنشىلىگى بار. ءبىز بۇل ماسەلەنى شەشەتىن بولامىز»، - دەدى ن. نازاربايەۆ.

سونىمەن قاتار مەملەكەت باسشىسى قازاقستاننىڭ ۋكراينامەن ىنتىماقتاستىعى تاۋەلسىز مەملەكەتتەر دوستاستىعى اياسىندا قول قويىلعان ەركىن ساۋدا ايماقتارى تۋرالى كەلىسىم اياسىندا وربيتىندىگىن باسا ايتتى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى