ن. نازاربايەۆ: استانادا ت. شەۆچەنكوعا ەسكەرتكىش قويۋعا ءازىرمىز

بۇگىن اقوردادا ەلىمىزگە العاشقى مەملەكەتتىك ساپارمەن كەلگەن ۋكراينا پرەزيدەنتى پەتر پوروشەنكومەن شاعىن جانە كەڭەيتىلگەن قۇرامداعى كەلىسسوزدەردەن كەيىنگى بىرلەسكەن مالىمدەمە بارىسىندا ەلباسى نۇرسۇلتان نازاربايەۆ وسىلاي دەدى.

«ءبىز استانادا تاراس شەۆچەنكوعا (ايگىلى ۋكراين اقىنى - رەد.) ەسكەرتكىش قويۋعا ءازىرمىز. بارىڭىزگە بەلگىلى، بۇرىنعى شيەۆچەنكو، قازىرگى اقتاۋ قالاسىندا ونداي ەسكەرتكىشتەر، مۇراجاي بار»، - دەدى ق ر پرەزيدەنتى.

ءسوز سوڭىندا مەملەكەت باسشىسى ۋكراينا پرەزيدەنتىنىڭ العاشقى مەملەكەتتىك ساپارىنا كوڭىلى تولاتىندىعىن باسا اتاپ ءوتتى.

«بۇل ساپار ەلدەرىمىز اراسىنداعى ءوزارا ىقپالداستىقتى ودان ءارى كەڭەيتە بەرەتىنىنە سەنەمىز. ۋكراينا جاعى قازاقستاننىڭ دۇنيەجۇزىلىك ساۋدا ۇيىمىنا كىرۋىنە ءوز كومەگىن تيگىزىپ، ءبىزدى جاقتاپ شىقتى. باسقا دا حالىقارالىق ماسەلەلەردە قازاقستان مەن ۋكراينا ءبىر-ءبىرىن قولدايتىن بولادى»، - دەدى ەلباسى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى