قازاقستان، تۇركىمەنستان جانە يران جاڭا تەمىر جول جەلىلەرىنىڭ تاريف شارتتارىن قۇرۋ تۋرالى كەلىستى
تەگەران قالاسىندا (يران) «قازاقستان تەمىر جولى» ۇ ك» ا ق، تۇركىمەنستان تەمىرجول كولىگى مينيسترلىگى مەن يران يسلام رەسپۋبليكاسى تەمىر جولدارىنىڭ باسشىلارى اراسىندا ءۇشجاقتى كەزدەسۋ ءوتتى.
كەزدەسۋ بارىسىندا قىتايدان يرانعا قازاقستان، تۇركىمەنستان، يران اۋماعى ارقىلى جەتكىزىلەتىن كونتەينەرلىك پويىزداردىڭ ءبىرىڭعاي مولشەرلەمەلەرى 2015-جىلدىڭ 15- قازانىنان باستاپ جۇزەگە اساتىندىعى بەلگىلەندى. اتالعان كەلىسىمنىڭ جۇزەگە اسۋى تەڭىز كولىگىنىڭ جۇك اينالىمىن ارتتىرىپ، ترانس قۇرلىقتىق ءدالىزدىڭ ءورىسىن كەڭەيتەدى.
سونداي-اق، قازاقستاننان يرانعا، يراننان بەندەر-ابباس پورتىنا ترانزيت ارقىلى جەتكىزىلەتىن استىق، قارا مەتالل، فەرروقورىتپا مەن اليۋميني تاسىمالىنىڭ جەڭىلدىكتى تاريفتىك شارتتارى كەلىسىلدى، دەپ حابارلايدى «ق ت ج» ۇ ك» ا ق باسپا ءسوز قىزمەتى.
ۇسىنىلىپ وتىرعان جەڭىلدىكتى تاريفتىك شارتتار قازاقستاندىق ەكسپورتتىڭ ينديا مەن پارسى شىعاناعىنىڭ جاڭا نارىقتارىنا شىعۋعا مۇمكىندىك بەرەدى.
ءۇش جاق وزدەرىنىڭ اۋماقتارىندا ۆاگوندار مەن كونتەينەرلەردىڭ جۇك تاسىمالى كولەمىنىڭ ۇلعايۋىنا ساي 2016-جىلى بىرەگەي كەشەندى مولشەرلەمەلەردى ورناتۋعا ۇمتىلاتىندىقتارىن ايتتى.
وسىعان وراي قازاقستان، تۇركىمەنستان جانە يران تەمىر جولدارى باسشىلارى اراسىنداعى ءۇش جاقتى كەزدەسۋ 2015-جىلى جەلتوقسان ايىنىڭ ەكىنشى جارتىسىندا اشحاباد (تۇركىمەنستان) قالاسىندا وتەدى.
