گ. زۋبكو: ۋكراينانىڭ «ا ن» ۇشاقتارىن قازاقستاندا قۇراستىرۋعا بولادى
بۇل تۋرالى بۇگىن استانادا قازاقستان-ۋكراينا بيزنەس-فورۋمىندا ۋكراينا ۆيتسە-پرەمەر-ءمينيسترى، وڭىرلىك دامۋ، قۇرىلىس جانە تۇرعىن ءۇي-كوممۋنالدىق شارۋاشىلىق ءمينيسترى گەننادي زۋبكو ءمالىم ەتتى.
«اۆياقۇرىلىس باعىتىندا تابىستى سەرىكتەستەس بولۋى تۇرعىسىندا قاتىناستاردى دامىتۋ ءبىز ءۇشىن وتە ماڭىزدى. بۇل تۇرعىدا قازىرگى كەزدە وسى ءوزارا قارىم-قاتىناستار وزگە شىعىس ەلدەرمەن دامىپ كەلەدى. وسى ورايدا ءبىزدىڭ ۇشاقتارعا، قوزعالتقىشتارعا قىزمەت كورسەتۋدىڭ رەگلامەنتتىك ورتالىقتارىن عانا ەمەس، سونىمەن قاتار وسىندا «انتونوۆ» ۇشاقتارىن قۇراستىرۋ مۇمكىندىگىنە يە بولۋعا نيەتتىمىز»، - دەدى ول.
سونىمەن قاتار گ. زۋبكو ۋكراينا تاراپى قازاقستانداعى ينفراقۇرىلىمدىق نىسانداردى سالۋ بويىنشا ستراتەگيالىق جوبالار قاتىسا الاتىندىعىن العا تارتتى.
«ۋكراينالىق بيزنەس قازاقستاندا قانداي باعىتتا ءجۇرۋى كەرەكتىگىن جاقسى بىلەدى. سونىمەن قاتار ءبىز قازاقستان كومپانيالارىن ۋكراينالىق كاسىپورىنداردى جەكەشەلەندىرۋدە كورگىمىز كەلەدى»، - دەدى ول.
اۆتور: رۋسلان عابباسوۆ
