قىتاي ينتەرنەتىندەگى ءۇش الىپ
ال، بۇگىنگى سوزگە تيەك بولار باستى تاقىرىپ، ءۇش كومپانيانىڭ قالاي بارلىققا كەلۋى، قىتايدا ءتىپتى دۇنيە عالامتورىندا قانشالىق دارەجەدە ىقپالدى ەكەنى ەمەس، قايتا ولاردىڭ كوتەرگەن تاقىرىبى جانە بولاشاق جوسپارى جايلى بولماق.
ءبىرىنشى، Baidu كومپانياسى
كومپانيا لي يانحۇڭنىڭ جەتەكشىلىگىندە. باستى جۇمىس ءتۇرى عالامتورلىق ىزدەۋ. قازىرگى جانە بولاشاقتا كوزدە ۇستاعان ماقساتى: «بايدۋ ميشىعى» [百度大脑] ؛
نەگىزگى رولى وسى زامان ينفورماتسيا تەحنيكاسىنان پايدالانىپ، جاساندى زدەردەنى بارىنشا دامىتۋ؛ ماشينالىق ۇيرەنۋ (ماشينانىڭ وزدىگىنەن ۇيرەنۋ ارقىلى كەمەلدەنۋ) مەن جاساندى زەيىن ارقىلى ادامداردىڭ عالامتوردان قاجەتتى ينفورماتسيانى الۋ ساپاسىن ارتتىرۋ جانە باسقا
سالاعا قوسالقى قىزمەت كورسەتۋ. بايداۋ ماماندارىنىڭ ايتۋىنشا بايداۋ ميشىعى 2-3 جاس شاماسىنداعى ءسابيدىڭ اقىل- ويىمەن بارابار.
ەكىنشى، Alibaba كومپانياسى
كومپانيا ما يۇننىڭ جەتەكشىلىگىندە. باستى جۇمىسى عالامتورلىق ساۋدالىق ورتاسىن قۇرۋ مەن دامىتۋ جانە عالامتورلىق اقشا ايىرباسى (اقشا ايىرباسىن عالامتور ارقىلى جىلدام ىسكە اسىرۋ) . باستابىندا: «الەمدە ىستەۋگە بولمايتىن قيىن ساۋدا جوق!» دەپ ۇران سالعان بولاتىن. !
ال، قازىرگى تاقىرىبى: دەرەكتىك ءداۋىر (ينتەرنەت ارقىلى جينالعان وراسان زور ساندى مالىمەتتەردى اناليزدەۋ، سارالاۋ، ساپتاۋ ارقىلى بولاشاقتى بولجاۋ) .
مۇمكىن ءسىز ەستىگەن بولارسىز، Alibaba نىڭ 2014 -جىلعى «قوس 11» كۇنى (قىتايدا ءارجىلدىڭ 11-قارشا كۇنى عالامتوردان زات ساتىپ الۋدىڭ دۋماندى كۇنى دەپ قارالعان) ينتەرنەتتىك ساۋدا ايىرباسى 51 ميلليارت بولعان (ەسكەرىڭىز، بۇل تەك 24 ساعات ىشىندە بولعان ساۋدا) . بۇنىڭ 42.8 پايىزى زدەرەلى قولفون ارقىلى جاسالعان.
ءۇشىنشى، Tencent كومپانياسى
كومپانيا ما حۋاتىڭنىڭ جەتەكشىلىگىندە. باستابىندا عالامتورلىق حابارلاسۋ قۇرالى QQ ارقىلى كوپكە تانىلعان. سونىمەن قوسا ينتەرنەتتىك ويىن، بلوگ جانە الەۋمەتتىك جەلى ونىمدەرى ارقىلى حالىقتى وزىنە باۋراپ العان. ال، بۇگىنگى كۇندە Wechat ارقىلى عالامتورداعى مىقتىلاردىڭ بىرەگەيىنە اينالعان.
قازىرگى كوتەرگەن تاقىرىبى: «جالعاۋ» ياعىني مەنىڭ سوزىممەن ايتقاندا «عالامتور جالعاسىن ارامىزدى» . ينتەرنەت جەلىسى ارقىلى ادامدار ارا بايلانىستى جالعاپ قالماستان، كەلەشەكتە ماتەريالدىق جەلى الەمدىك بايلانىستى جەلىنى اراسىندا بايلانىس ورناتۋ.
قاتىستى ساناقتارعا نەگىزدەلگەندە جالپى قىتاي ينتەرنەتىندە عالامتور قولدانۋشىلاردىڭ 60-70 پايىز ۋاقىتتارى BAT سايتتارىندا جۇمسالادى ەكەن.
ەگەردە ءۇش كومپانيانى ءبىر تۇلعا دەپ ەسەپتەيتىن بولساق، وندا ولار ونلاين وقىتۋ، ءبىلىم الۋ، عالامتورلىق ىزدەۋ، ينفورماتسيا قابىلداۋ، ادامدار ارا قاتىناس، اقشا اينالىمى، ويىن، كوڭىل- اشۋ كينو سالاسى، دەنساۋلىق ساقتاۋ، ساياحات، ەلەكتروندى ساۋدا، جاڭا مەدەيا ت. ت بارلىق سالاعا قاتىسۋلى.
اۆتورى: ءتالىپ ءنۇسىپ ۇلى
عالامتور تانۋشى، پروگرامميس، قازاقسوفت سايتىنىڭ جەتەكشىسى.
