الماتىدا ترانسۇلتتىق ۇيىمداسقان قىلمىستىق توپ مۇشەلەرى سوتتالدى

بۇل تۋرالى قالالىق سوتتىڭ باسپا ءسوز حاشىسى قۋاندىق ەشىمەت حابارلادى.

ءىس ماتەريالدارىنا سايكەس، بيىلعى جىلدىڭ 4- اقپانىندا حۋدجايەۆ پەن بوستانوۆ ترانسۇلتتىق ۇيىمداسقان توپقا قاتىسا وتىرىپ، اسا ءىرى مولشەردەگى ەسىرتكىنى وتكىزۋ ماقساتىندا ساقتاۋ، يەمدەنۋ، سونداي-اق ولاردى كەدەن وداعىنىڭ كەدەندىك شەكاراسىنان جانە قازاقستان رەسپۋبليكاسىنىڭ مەملەكەتتىك شەكاراسىنان تاسىمالداۋدى جۇزەگە اسىرعان.

2015-جىلعى 4- اقپاندا ساعات 23:56 شاماسىندا ايىپتالۋشىلار سالماعى 10 كەلى بولاتىن گەرويندى قىرعىز رەسپۋبليكاسىنىڭ «В 2595 Х»  مەملەكەتتىك ءنومىرلى حالىقارالىق رەيستەگى اۆتوبۋسىنىڭ شيناسىنىڭ قۋىسىنا جاسىرىپ وتكەن. وسىلايشا ولار كونتراباندالىق جۇكتى بىشكەكتەن جامبىل وبلىسى، مەركە اۋدانىنىڭ «ك پ پ سىپاي باتىر اۆتو» شەكارانى باقىلاۋ ءبولىمى ارقىلى كەدەن وداعىنىڭ كەدەندىك شەكاراسىنان زاڭسىز وتكىزگەن.

الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ شەشىمىمەن ق ر ق ك- ءنىڭ 297-بابى 4-بولىمىمەن، 264- بابى 2-بولىمىمەن، 286-بابى 4-بولىمىمەن كوزدەلگەن قىلمىستىق ارەكەتتەردى جاساعاندارى ءۇشىن حۋدجايەۆ پەن بوستانوۆ كىنالى دەپ تانىلىپ، ولاردىڭ ءارقايسىسى مۇلكى تاركىلەنىپ 20 جىلعا باس بوستاندىعىنان ايىرىلدى. سوتتالۋشىلار جازاسىن قاتاڭ رەجىمدەگى كولونيادا وتەيتىن بولدى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى