قازاقستانداعى جاس فۋتبولشىلار جىلىنا جارتى ميلليون دوللار الادى

فۋتبول سالاسىندا قىزمەت ەتەتىن سەنىمدى دەرەككوزبەن اڭگىمەلەسۋ بارىسىندا وتاندىق پرەمەر-ليگا فۋتبولشىلارىنىڭ شامامەن قانشا جالاقى الاتىنى بەلگىلى بولدى.

«اركىمنىڭ جالاقىسى ءارقالاي. كەي دۋبلەرلەر ايىنا 20-40 مىڭ دوللار تابادى. ال ليميتشىلەر 10-12 مىڭ دوللار تابادى. بىزدە، ءتىپتى جاسى 23 كە ەندى كەلەتىن فۋتبولشى ليميتشى بولا تۇرا جىلىنا 500 مىڭ دوللار الادى. جالپى، فۋتبولشىلاردىڭ جالاقىسى ايىنا 2-3 مىڭ دوللاردان 60 مىڭ دوللارعا دەيىن بارادى. ءبىراق بۇگىندە جالاقى مولشەرى ديەۆالۆاتسيا سالدارىنان قايتا قارالۋى مۇمكىن»، - دەيدى ءبىزدىڭ دەرەككوز.

مۇنداي قاراجات تاباتىن فۋتبولشى «قايراتتا»، «استانادا» نەمەسە «اقتوبەدە» عانا بولۋى مۇمكىن.

«اقتوبەدە» ەڭ جوعارى جالاقى الاتىن ليميتشى فۋتبولشىلار قاتارىنا ديدار جالمۇقاندى، ابات ايىمبەتوۆتى جانە رۇستەم ساحيبوۆتى جاتقىزۋعا بولادى. الايدا، وزگە كوماندالاردا دا لايىق فۋتبولشىلار بار.

«استانادان» گەورگي جۋكوۆتى، ميحايل گولۋبنيچيەۆتى جانە ۆلاديسلاۆ مەڭدىبايەۆتى كەلتىرۋگە بولادى.

ال «قايراتتا» ليميتشىلەر قاتارىنا باۋىرجان يسلامحاندى، ۆيتالي ليدى، يسلامبەك قۋاتتى جانە ستانيسلاۆ لۋنيندى جاتقىزامىز.

ارينە اتالعانداردان وزگە لايىقتى فۋتبولشىلار دا بارشىلىق.

جاس فۋتبولشىلاردىڭ قايسىسى جوعارى جالاقى (شامامەن 137 ميلليون تەڭگە) الاتىنى ازىرگە قۇپيا بولىپ قالۋدا.

انىقتاما

ليميتشى - ق پ ل- دا وينايتىن جاسى 23 كە جەتپەگەن جاس فۋتبولشى. پرەمەر-ليگا كوماندالارى ءار ماتچ الدىندا 23 جاسقا جەتپەگەن ەكى فۋتبولشىنى تىزىمگە قوسۋى ءتيىس. ونىڭ ءبىرى الاڭعا شىعارىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى