حيميادان نوبەل سىيلىعى د ن ق رەپاراتسياسىن زەرتتەۋ ەڭبەگىنە بەرىلدى
ءبىرىنشى عالىم ءوز قىزمەتىن انگليادا جۇرگىزسە، ونىڭ ەكى ارىپتەسى زەرتتەۋلەرىن ا ق ش- تا جۇرگىزىپ ءجۇر. ولار سىيلىقتى د ن ق رەپاراتسياسى مەحانيزمدەرىن زەرتتەۋدە العا وزعانى ءۇشىن الدى.
نوبەل كوميتەتىنىڭ باسپا ءسوز پاراقشاسىندا بۇل ءۇش عالىمنىڭ جۇمىسى «ءتىرى اعزالاردىڭ قىزمەتى، ماسەلەن، وبىرمەن كۇرەس جۇرگىزۋدىڭ جاڭا ادىستەرىندە ولاردى پايدالانۋ تۋرالى ىرگەلى ءبىلىم ەكەنى» ايتىلدى. عالىمدار زاقىمدالعان د ن ق- نى اعزالارمەن قالپىنا كەلتىرۋ قالاي جۇرەتىنىن جانە بۇل رەتتە گەنەتيكالىق اقپارات قالاي ساقتالىپ وتىراتىنىن مولەكۋلالىق دەڭگەيدە كورسەتە الدى.
ەسكە سالا كەتەيىك، رەپاراتسيا دەپ اعزالاردىڭ د ن ق مولەكۋلالارىنىڭ حيميالىق زاقىمدارىن تۇزەتۋگە مۇمكىندىك بەرەتىن قىزمەتتىك ەرەكشەلىگىن اتايدى. وسىنداي زاقىمدار مەن ۇزىلۋلەر حيميالىق نەمەسە فيزيكالىق اگەنتتەردىڭ اسەر ەتۋىنەن پايدا بولۋى مۇمكىن. عالىمدار دنق زاقىمدانۋى تۇراقتى تۇردە بولاتىنىن، ءبىزدىڭ ۇنەمى رەپاراتسيامىزدىڭ ارقاسىندا عانا گەنەتيكالىق ماتەريالىمىز بۇكىل ءومىر بويى بىردەي بولىپ قالىپ وتىرعانىن اتاپ وتۋدە.
ەسكە سالا كەتەيىك، 2014 - جىلى حيميا سالاسىندا نوبەل سىيلىعىن تىم جوعارى رۇقساتتاعى فلوۋروستسەنتتىك ميكروسكوپيانى دامىتۋعا قوسقان ۇلكەن ۇلەسى ءۇشىن ەريك بەتتسيگ، ۋيليام مونەر جانە شتەفان حەلل العان.
