ءىسساپارعا شىقپاعان قىزمەتكەرلەرى ءۇشىن دە پارا العان
قىلمىستىق ءىس ماتەريالدارىنا سايكەس، تەرەكتى اۋداندىق ءبىلىم بەرۋ ءبولىمىنىڭ باسشىسى س. چۋكۋروۆا چاپايەۆ، نوۆوپاۆلوۆكا ورتا مەكتەپتەرىنىڭ ديرەكتورلارىن پارا الۋ ارقىلى قىزمەتكە تاعايىنداعان.
بۇعان قوسا، سوتتالۋشى ءبىلىم ءبولىمىنىڭ قىزمەتكەرلەرىن ءىسساپارلارعا جولداۋ تۋرالى بۇيرىق شىعارعان. ءىس جۇزىندە ولار ءىسساپارعا شىقپاعان جانە ولارعا اۋدارىلعان اقشا س. چۋكۋروۆاعا بەرىلىپ وتىرعان.
سونىمەن قاتار، ول اتتەستاتسيالىق كوميسسيا ءتورايىمى بولا تۇرا، ءبىلىم بەرۋ ءبولىمىنىڭ قىزمەتكەرلەرىنە بىلىكتىلىك ساناتىن بەرگەنى ءۇشىن پارا العان.
ورال قالالىق سوتىنىڭ ۇكىمىمەن س. چۋكۋروۆا ق ر ق ك- نىڭ 366-ب. 3-ب. 4 ت. (بىرنەشە رەت پارا الۋ)، 24-ب. 3-ب. - 366-ب. 3-ب. 4 ت. (بىرنەشە رەت پارا الۋعا وقتالۋ)، 189-ب. 3-ب. 2 ت. (لاۋازىمدى تۇلعانىڭ سەنىپ تاپسىرىلعان بوتەن مۇلىكتى يەمدەنىپ الۋى)، 24-ب. 3-ب. - 189-ب. 3-ب. 2 ت. (لاۋازىمدى تۇلعانىڭ سەنىپ تاپسىرىلعان بوتەن مۇلكىن يەمدەنىپ الۋعا وقتالۋى) بويىنشا ايىپتى دەپ تانىلدى.
سوت سوتتالۋشىنىڭ جەكە باسىن، ءبىرىنشى رەت سوتتالۋىن، جاسىن (58 جاس)، بەس بالاسىنىڭ بولۋىن، جۇمىس ورنىنان جانە تۇرعىلىقتى جەرىنەن بەرىلگەن وڭ مىنەزدەمەنى، دەنساۋلىعىنىڭ ناشارلىعىن («ب ق و بويىنشا كارديولوگيالىق ورتالىق» م ك ق ك- دە ەسەپتە تۇرۋى) جانە مەملەكەتكە شىعىن كەلتىرمەگەنىن ەسكەرىپ، س. چۋكۋروۆاعا ايىپپۇل تۇرىندەگى جازانى ونىڭ تۇزەلۋىنە جەتكىلىكتى دەپ تاپتى.
سوت ق ر ق ك-نىڭ 58-بابىنىڭ 3-بولىگىن قولدانىپ (جەڭىلىرەك جازانى نەعۇرلىم قاتاڭ جازاعا ءسىڭىرۋ) تۇپكىلىكتى مۇلكىن تاركىلەۋمەن پارانىڭ جەتپىس ەسە مولشەرىندە، ياعني 18900000 تەڭگە كولەمىندە ايىپپۇل جازاسىن تاعايىنداپ، مەملەكەتتىك مەكەمەلەردە قىزمەت اتقارۋ قۇقىعىنان ءومىر بويىنا ايىردى. ۇكىم زاڭدى كۇشىنە ەنگەن جوق.
اۆتور: ن. نۋراحمەت
