ن. تىلەنديەۆ تۋرالى «قۇستار ءانى» فيلمى كورەرمەنگە جول تارتادى
فيلم اتاقتى «وتىرار سازى» وركەسترىنىڭ قۇرىلعان ساتىنەن باستالادى. كوركەم فيلم سازگەردىڭ بىرەگەي مۋزىكالىق تۋىندىسىمەن «قۇستار ءانى» دەپ اتالادى.
فيلمنىڭ رەجيسسەرى راشيد سۇلەيمەنوۆتىڭ ايتۋىنشا، قازاقتىڭ ءبىرتۋار، دارا ۇلى تۋرالى فيلم ءتۇسىرۋ ءۇشىن سازگەرمەن ارالاسقان، قاتار جۇرگەن كوپتەگەن جاندارمەن اڭگىمەلەسكەن.
رەجيسسەر باس كەيىپكەردىڭ وبرازىن سومداۋ ءۇشىن اكتەر ەرگەنباي ابۋيەۆتى تاڭداپتى.
- ول كىسىنى مەن جاس كەزىمنەن كوپ رەت كوردىم. كونسەرتتەرىنە باردىم. ۇستازىم قازاقستاننىڭ حالىق ءارتىسى، پروفەسسور اسقار توقپانوۆ مەنى ءبىر ەرتىپ بارىپ، «مىناۋ مەنىڭ جاقسى شاكىرتىم، ادەيى ساعان كورسەتۋگە الىپ كەلدىم» دەپ تانىستىردى. ول كىسى مۋزىكانى باسقاشا تىڭدايدى، باسقاشا سەزىنەدى، مۇلدەم باسقاشا كورەدى، - دەيدى ەرگەنباي ابۋيەۆ.
فيلمدە دومبىراشى قىز جىبەك سازگەردى ءوزىنىڭ شەبەر ورىنداۋشىلىعىمەن تاڭعالدىرادى. ءبىر قىزىعى، جىبەكتىڭ رولىندە وينايتىن اكتريسا گۇلناز جولانوۆا ەشقاشان قولىنا دومبىرا ۇستاماعان. كاستينگتەن وتكەن سوڭ، نۇرعيسا تىلەنديەۆتىڭ كۇيلەرىن ۇيرەنىپتى.
- بۇل مەنىڭ العاشقى تاريحي جوبام. مۇنىڭ قانشالىقتى جاۋاپكەرشىلىگى جوعارى، قانشالىقتى ماڭىزدى ەكەنىن سەزىنەمىن. بار كۇشىمىزدى سالىپ جاتىرمىز، كورەرمەننىڭ كوڭىلىنەن شىعادى دەگەن ۇمىتتەمىن، - دەيدى اكتريسا گۇلناز جولانوۆا.
«قۇستار ءانى» 5 سەريالى كوركەم فيلمىن كورەرمەندەر جاقىن ۋاقىتتا «حابار» تەلەارناسىنان تاماشالاي الادى، دەپ حابارلايدى 24.kz.
