حالىقارالىق فۋتبول فەدەراتسياسىنىڭ پرەزيدەنتى قىزمەتىنەن نەگە شەتتەتىلدى
باسىلىمنىڭ جازۋىنشا، بۇل اقپاراتتى بريتانيالىق Guardian گازەتىنە بلاتتەردىڭ كەڭەسشىسى كلاۋس شتەلكەر جەتكىزگەن.
شۆەيتساريا باس پروكۋراتۋراسى 24 -قىركۇيەك كۇنى قىزمەتىن اسىرا پايدالاندى، سەنىپ تاپسىرىلعان مۇلىكتى زاڭسىز يەمدەندى دەگەن كۇدىكپەن بلاتتەردىڭ ۇستىنەن قىلمىستىق ءىس قوزعادى. ماۋسىم ايىندا 79 جاستاعى بلاتتەر قىزمەتىنەن كەتەتىنىن مالىمدەگەن. جوسپار بويىنشا، ونىڭ وكىلەتتى مەرزىمى 2016 -جىلدىڭ اقپان ايى، ياعني كەزەكتى پرەزيدەنت سايلاۋىنا دەيىن جەتۋى كەرەك بولعان.
ەسكە سالا كەتەيىك، بيىلعى جىلدىڭ مامىر ايىندا سيۋريحتە شۆەيتساريا باس پروكۋراتۋراسى مەن ا ق ش فەدەرالدى بارلاۋ بيۋروسى اگەنتتەرى ف ي ف ا- نىڭ اتقارۋ كوميتەتىنىڭ ءبىرقاتار ادامدارىن سىبايلاس جەمقورلىققا قاتىستى دەگەن كۇدىكپەن تۇتقىنداعان بولاتىن.
