اقمولالىق كاسىپكەردىڭ ونىمدەرى قىتايدا وتكەن كورمەدە ساتىلدى

كورمە «جىبەك جولى ەلدەرىنىڭ ىنتىماقتاستىعىن كەڭەيتۋ جانە ودان ءارى دامۋىنا ىقپال جاساۋ» ۇرانىمەن ءۇش كۇن بويى ءوتتى.

وندا شاڭحاي ىنتىماقتاستىق ۇيىمىنا مۇشە ەلدەردىڭ ىقپالداستىق جوبالارى مەن ۇلكەن سۇرانىسقا يە ينۆەستيتسيا، ەنەرگەتيكا، لوگيستيكا، ترانسپورت، عىلىم جانە تەحنيكا، مادەنيەت پەن تۋريزم سالاسىنداعى قىزمەتتەر مەن ونىمدەر ۇسىنىلدى. اقمولالىق كاسىپكەر اسەمگۇل جاناحمەتوۆا ش ى ۇ مۇشە رەسەي، قىرعىزستان، تاجىكستان، وزبەكستان ەلدەرى جانە باقىلاۋشى رەتىندە قاتىسىپ وتىرعان يران، ءۇندىستان، پاكىستان جانە تۇركىمەنستان مەملەكەتتەرىنەن كەلگەن قوناقتارعا ءوز ونىمدەرىن جاقىن تانىستىردى. ونىڭ ىشىندە قولدانبالى ونەر تۋىندىلارى بار.

ەسكە سالا كەتسەك، بۇل - ش ى ۇ قۇرىلعان 14 جىلدىڭ ىشىندە ۇيىمداستىرىلىپ وتىرعان العاشقى كورمە. كورمەنىڭ اۋماعى 50 مىڭ شارشى مەتردى قۇرادى. ءتورت پاۆيلونعا ش ى ۇ مۇشە ەلدەردەن اكەلىنگەن ونىمدەر قويىلدى. قىتاي ەلى اۋماعى ارقىلى وتەتىن جىبەك جولى بويىندا ورنالاسقان قالالار مەن پروۆينسيالاردان اكەلىنگەن ءتۇرلى ونىمدەر كەڭىنەن ۇسىنىلدى.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى