جاس جۇبايلارعا تورت كەسۋگە تىيىم سالىندى
گروزنىي مەرياسى مادەنيەت دەپارتامەنتىنىڭ سايتىندا 2015 -جىلدىڭ 29 -قىركۇيەگىندەگى «شەشەندەردىڭ نوحچيين لوۆزار ءداستۇرلى ۇيلەنۋ تويىندا جالپى تالاپتاردى بەكىتۋ تۋرالى» وكىمى جاريالاندى.
قالا باسشىسى ءمۇسلىم حۋچيەۆ قول قويعان قۇجاتتا اتالعان تالاپتاردىڭ «شەشەنستان رەسپۋبليكاسىنىڭ وسكەلەڭ ۇرپاعىن رۋحاني-ادامگەرشىلىككە تاربيەلەۋدىڭ ءبىرىڭعاي كونسەپتسياسىن ىسكە اسىرۋ ماقساتىندا» قۇرىلعانى ايتىلادى. قۇجاتتى 2013 -جىلدىڭ اقپان ايىندا ەل پرەزيدەنتى رامزان قادىروۆ ماقۇلداعان.
ۇيلەنۋ تويىن گروزنىيدا وتكىزگىسى كەلەتىندەر قالا باسشىلىعىنىڭ توي كەزىندە قارۋدىڭ كەز كەلگەن تۇرىنەن وق اتۋعا، سونداي-اق ۇيلەنۋ تويىنا ماس كۇيىندە جانە «شەشەندىك مادەنيەتكە سايكەس كەلمەيتىن كيىممەن» كەلۋگە تىيىم سالعانىن ءبىلۋى ءتيىس.
