تاراز بەن شيانياڭ قالاسى اراسىندا دوستىق قاتىناس ورناماق - فوتو

«اتلەتيك» ورتالىعىندا كەلىسسوزدەر ۇستەلىنىڭ باسىندا قىتايلىق كومپانيالار مەن جامبىل ءوڭىرىنىڭ باسقارۋ قۇرىلىمدارىنىڭ وكىلدەرى جينالدى. ولاردىڭ اراسىندا قكپ كوميتەتىنىڭ سيانيان قالاسىنداعى حاتشىسى ۆەي سي تين مىرزا مەن «ي-زە فۋتسا» شاي كومپانياسىنىڭ پرەزيدەنتى ما حىن گون مىرزا بولدى.

قازاقستاندىق جانە قىتايلىق تاراپتار ايماقتار اراسىنداعى ىنتىماقتاستىقتىڭ مۇمكىندىكتەرى مەن بولاشاعىن ەگجەي- تەگجەيلى تالقىلاپ شىقتى. ءوزارا ءتيىمدى ىنتىماقتاستىقتىڭ باسىمدىق سالالارى رەتىندە اۋىل شارۋاشىلىعى، ساۋدا، قۇرىلىس سالاسى اتالعان.

ەسكە سالا كەتەيىك، ن. نازاربايەۆتىڭ ۇسىنعان «نۇرلى جول» باعدارلاماسىنىڭ اياسىندا قازاقستان دۇنگەندەرى قاۋىمداستىعى مەن «ي-زە فۋتسا» كومپانياسى قايتا جانداندىرىلعان ۇلى جىبەك جولىنىڭ ەكونوميكالىق بەلدەۋىن قۇرۋ يدەياسىن قولداۋ ماقساتىندا «قىتاي- قازاقستان: ۇلى جىبەك جولىنىڭ شاي مادەنيەتى» دوستىق پەن ىنتىماقتاستىق كەرۋەنىن ۇيىمداستىردى. كەشە تارازدا قىتايدان ءبىر جىلدان استام ۋاقىت بويى ۇلى جىبەك جولى باعدارىمەن جۇرگەن جاياۋ كەرۋەن ەكسپەديتسياسىن سالتاناتتى تۇردە قارسى الۋ شاراسى ءوتتى. كەرۋەن «ي- زە فۋتسا» كومپانياسىنىڭ شانشي پروۆينسياسىندا ءوسىرىپ جۇرگەن فۋسا اتتى باعالى ەمدىك شايىن جەتكىزدى.

شيانياڭ - اۋىلشارۋاشىلىق اۋدانىنىڭ ماڭىزدى ساۋدا ورتالىعى.

شانشي پروۆينسياسىنىڭ شيان قالاسىنان 25 شاقىرىم جەردە ورنالاسقان شيانياڭ قالالىق وكرۋگىنە 3 اۋدان، 1 قالالىق ۋەز، 10 ۋەز كىرەدى. تۇرعىندار سانى - 5 ميلليوننان استام ادام. شيانياڭنىڭ كولىك تورابى، اۋەجايى، دامىعان ماشينا جاساۋ، سونداي- اق توقىما، تىگىن، فارماتسيەۆتيكالىق، تاماق ونەركاسىبى بار. مۇندا ەلەكترونيكا جانە قۇرىلىس ماتەريالدارى شىعارىلىپ، ءداستۇرلى قولونەر گۇلدەنىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى