ءاليا عالىموۆا ءماجىلىس دەپۋتاتى بولدى
«نۇر وتان» پارتياسىنىڭ مۇشەسى ءاليا قايرات قىزى عالىموۆا ورتالىق سايلاۋ كوميسسياسىنىڭ 5- قازانداعى قاۋلىسىمەن پارلامەنت ءماجىلىسىنىڭ دەپۋتاتى بولىپ سايلاندى. ارىپتەسىمىزدى قۇتتىقتاپ، اماندىق-ساۋلىق، جۇمىسىنا جەمىس تىلەيمىز»، - دەدى بۇگىن ءماجىلىستىڭ جالپى وتىرىسىندا سپيكەرى قابيبوللا جاقىپوۆ.
ەسكە سالا كەتەيىك، بۇعان دەيىن «نۇر وتان» پارتياسى اتىنان سايلانعان دەپۋتات داريعا نازاربايەۆا ۇكىمەت باسشىسىنىڭ ورىنباسارى قىزمەتىنە تاعايىندالىپ، ونىڭ دەپۋتاتتىق وكىلەتتىگى مەرزىمىنەن بۇرىن توقتاتىلعان بولاتىن.
ءا. عالىموۆا 1970-جىلدىڭ 18- شىلدەسىندە پاۆلودار قالاسىندا تۋعان. ءال-فارابي اتىنداعى قازاق مەملەكەتتىك ۋنيۆەرسيتەتىنىڭ تاريح فاكۋلتەتىن بىتىرگەن. 2003-جىلدان - ق ر پرەزيدەنتى اكىمشىلىگى ىشكى ساياسات ءبولىمىنىڭ باس ساراپشىسى. 2004-جىلدىڭ مامىرىنان - ق ر پرەزيدەنتى اكىمشىلىگى ىشكى ساياسات باسقارماسىنىڭ باس ساراپشىسى؛ 2004-جىلدىڭ قىركۇيەگىنەن - الەۋمەتتىك-ساياسي ءبولىم سەكتورىنىڭ مەڭگەرۋشىسى. 2005-جىلدان - ق ر پرەزيدەنتى اكىمشىلىگى سەكتورىنىڭ مەڭگەرۋشىسى؛ 2006-جىلدان - الەۋمەتتىك-ساياسي ءبولىم مەڭگەرۋشىسىنىڭ ورىنباسارى. 2008-جىلدان - ق ر پرەزيدەنتى اكىمشىلىگى ىشكى ساياسات ءبولىمى مەڭگەرۋشىسىنىڭ ورىنباسارى، 2010-جىلدان - پاۆلودار وبلىسى اكىمىنىڭ ورىنباسارى قىزمەتتەرىن اتقارعان. 2012-جىلعى اقپاننان باستاپ بۇگىنگە دەيىن ق ر ءبىلىم جانە عىلىم مينيسترلىگىنىڭ جاۋاپتى حاتشىسى لاۋازىمىندا بولدى.
اۆتور: قانات مامەتقازى ۇلى
